१ तिमोथि 6:11 - देवास राई

¹¹ तर तुँइ, परमेस्वरक् मानुस, यि नराम्‍रो कहिनलकेसौ टार्‌हो बस्। आउँ धार्मिकताइ, भक्‍तिमा, बिस्वासै, पेरेमै, स्थिर बस्बाक् आउँ नम्‍र भेबाक् कहिनै आफ्निक् मन लागाउ।

१ तिमोथि 6:11 ပူးပေါင်းရင်းမြစ်များ

१ तिमोथि 1:14

हाम्‍रा पर्भुक् अनुग्रह मुँइ पुरा रुपे पाइलम्। आउँ उहे अनुग्रहक्‌सङ्‌हिं खिरिस्ट येसुमा मोरानि बिस्वास आउँ पेरेम देलक्।

१ तिमोथि 4:12

तुँइ जवान रहस्ला बाजिहिन् कुन्हुँहि तोरानि हेला कर्बा बुन् पाउस्, तर बिस्वासिलकक् आगारि तोरा बोलिबचन, ब्यभार, पेरेम, बिस्वास आउँ सुद्‌धताक्‌भटे तुँइ एक्टा नमुनाक् जिबन देखाउ।

१ तिमोथि 5:10

ओहेरङे करिहिन् ओहिं राम्‍रो कर्ल, ओक्‍राक् नाउँ चल्‍ल, जम्माहिंक्‌भटे आदर पाइल भेबापोर्लाहार। ओहिं आफ्निक् बेटायक-बेटिहिकलकलाइ राम्‍रोइसौ हुर्काल, आउँ पहुनालकलाइ आफ्निक् घरै सेवा-सत्कार कर्ल भेबापोर्लाहार। तसौ ओहिं परमेस्वरक् सेबकलकक् टाङ धोइदेल, दुक्खै पोर्लाहारलकलाइ मदप कर्ल आउँ यहेरङे ओर्कोउ राम्‍रो-राम्‍रो कामलक् कर्ल भेबापोर्लाहार।

१ तिमोथि 6:20

दिठाउ तिमोथि, परमेस्वरे तोरानि जे सोंप्लो धरेस्ला, उ राम्‍रोइसौ रछ्‍या करिहिन् धर। कट्‌कापय मानुसलके सन्सारक् मुर्ख कहिन् आउँ “ग्यान” बाजिहिन् मानट्‌थ्ला, उ झुठ् कहिनक्‌भटे टार्‌हो बस्।

२ तिमोथि 2:21

यदि कुन्हुँ मानुसे आफ्निलाइ खाराब कामक्‌भटे सुद्‌ध पारैस् भेनेमा उ बिसेस कामक् लागि एक्टा पात्‍र बनैस्, आउँ घरक् मालिकक् लागि सुद्‌ध, काम लाग्लाहार आउँ जम्मा राम्‍रो कामक् लागि तियार भेइस्।

२ तिमोथि 2:22

उहेसिहिरे जबानिक् अभिलासालक् छारह, आउँ सुद्‌ध हिर्‌दयाइसम् पर्भुक्‌सङ्‌हिं पाराथ्ना कर्लाहारलकक् सङ्‌सङ्‌हिं धार्मिकता, बिस्वास, पेरेम आउँ सान्तिमा लागह।

२ तिमोथि 3:10

तर मोरा सिच्छा, मोरा चालचलन, मोरा जिबनक् लछ्‌य, मोरा बिस्वास, मोरा धैर्य, मोरा पेरेम, आउँ मोरा स्थिरता देख्ल धरस्ला।

२ तिमोथि 3:17

ताकि परमेस्वरक् मानुसलके पुरा रुपेसौं राम्‍रो कामलक् कर्बाक् लागि तियार भेउस्।