१ तिमोथि 6:1 - देवास राई

¹ मालिकक् बन्धनै रैल्ह कामारालके आफ्नि मालिकक् आदर कर्बा पोर्लाहार बाजिहिन् जानुस्। ताकि परमेस्वरक् नाउँ आउँ हामि देल सिच्छाक् बदनाम जुन् भेउस्।

१ तिमोथि 6:1 ပူးပေါင်းရင်းမြစ်များ

लुका 17:1

येसुइ आफ्निक् चेलालकलाइ बोल्‍लाहा, “साँच्‍चिय मानुसलाइ पापमाहा फाँसालाहार कहिनलक् ता आइहालेला, तर धिक्‍कार भेउस्, अर्कालाइ पापमाहा फाँसालाहार मानुसलाइ!

प्रेरित 10:22

उखर्ह्‌वाइ ओक्‌रानि जुबाप देलिहिंक्, “एकजेना कर्नेलियस बाज्ल कप्‍ताने हाम्‍रानि पाठाल हो। उ एकदमे धर्मि आउँ परमेस्वरक् डर मान्लाहार मानुस रहैस्। आउँ जम्मा यहुदिलकुहु ओक्‌रानि एकदमे मान कर्थिला। एक्टा पबित्‌र स्वर्गोदुते ओक्‌राक्‌ठालाइ देख्वार पोरिबानाइ तोरानि ओक्‌राक् घरै हाँख्‍राइबानाइ तोराभटे खभरलक् सुन्बालाइ स्वर्गोदुते बोल्‍लो धरेला।”

प्रेरित 10:7

जब कर्नेलियसक्‌सङ्‌हिं सारालाहार स्वर्गोदुत बिदा भेहिन् जाइलक्, तसौ ओहिं आफ्निक् दुइजेना चाकरलक् आउँ परमेस्वरलाइ सटौघरि मान्लाहार आउँ ओक्‌राक् सेवा कर्लाहार एकजेना सिपाहिलाइ हाँख्‍रालक्।

प्रेरित 15:10

उहेसिहिरे चेलालकक् काँर्‌है यि जुवा हालिदेहिन् किसा परमेस्वरक् इच्छाक् बिरोध करहला? यि जुवा ना ता हाम्‍रा बाज्या-बाराजुलके ना ता हामि बोक्बा पार्ल धरुहुँक्ला।

१ तिमोथि 5:14

यिहेसिहिरे मुँइ कम उमेरक् बिध्वालके फेरि बिहाउ करुस्, बेटायक-बेटेकलक् जर्माउस्, आउँ आफ्निक् घरबार दिठाउस् बाजिहिन् साल्हा देम्‍ना। हाम्‍रा सत्‌रुलके हाम्‍रा बिरोधै किच्छु दोस लागाबाक् मौका बुन् पाउस्।

तितस 2:5

आउँ उखर्ह्‌वा समझदार भेबा पोर्लाहार, पबित्‌र मन भेल, राम्‍रोइसौ घर चालाबा पार्लाहार, दयालु आउँ आफ्निक् साँयथाक् अधिनै बस्लाहार भेबा पोर्लाहार बाजिहिन् सिखाउस्, ताकि परमेस्वरक् बचनलाइ कुन्हुँहि निन्दा कर्बा बुन् पाउस्।