१ तिमोथि 4:7 - देवास राई

⁷ तर परमेस्वरलाइ अपमान भेलाहार आउँ पैल्हाकोक् मानुसलके बानाल अर्थय नहिंभेल काथाहालकक्‌भटे टार्‌हो बस्। बरुस आफ्निलाइ भक्‍तिक् जिबनै जिउँबाक्नि तालिम देउ।

१ तिमोथि 4:7 ပူးပေါင်းရင်းမြစ်များ

प्रेरित 24:16

उहेसिहिरे मुँइ परमेस्वर आउँ मानुसलकक् आगारि सटौघरि निर्दोस जिबन बिताबाक् कोसिस करम्‍ना।

१ तिमोथि 1:4

आउँ उ दन्त्यकाथाहालक् आउँ कख्नुहुँ नहिंटुर्‌ल्हाहार बङ्‌साबलिक्‌पाछु बुन् लाग्बा, बरुस बिस्वासै रैल्ह परमेस्वरक् कामै लागिरहबा बाजिहिन् तुँइ उखर्ह्‌वालाइ करा आग्या देउ।

१ तिमोथि 1:9

हामि यि आको जानुहुँक्ला कि नियम राम्‍रो मानुसक् लागि बन्ल बोइने, तर नियम ता आग्या नहिंमान्लाहार, परमेस्वरलाइ नहिंमान्लाहार आउँ पापिलक्, असुद्‌ध आउँ आफ्निक् महँटार-बाप्पोलाइ मार्लाहारलक् आउँ मानुस मार्लाहारलक्,

१ तिमोथि 2:10

बरुस राम्‍रो कामक्‌भटे साजाइजाइल भेउस्, जुन्‌सेहे परमेस्वरक् भक्‍ति कर्लाहार अइमाइलकलाइ सोहायला।

१ तिमोथि 3:16

हामि सुइकार करुहुँक्ला, कि परमेस्वरे हाम्‍रानि देखाल बिस्वासक् रहस्य एकदमे बर्के रहेलाः खिरिस्ट मानुसिहिक् देहिमा देख्वार पोर्बा आइलक्, पबित्‌र आत्माक्‌भटे धर्मि ठहर्लक्, तसौ स्वर्गोदुतलकक् आगारि देख्वार पोर्लोक्। जात-जातक् माझै ओक्‍राक् पर्चार भेलकुन्, सन्सारक् मानुसलके ओक्‍रानि बिस्वास कर्लिहिंक्, आउँ फेरि महिमाक्‌सङ्‌हिं स्वर्गोइ उठाइ-लेगिजाइलक्।

१ तिमोथि 4:8

किसाबुने देहिक् लागि तालिम करिबुने चुटेक् माटेन् फाइधा भेला, तर आत्माक् लागि तालिम करिबुने थुप्‍रोय कहिनक् फाइधा भेला। यछि ता अख्‍निकोक् आउँ पाछुकोक् जिबनक् फाइधाक् लागि पर्तिग्या रैल्ह भेला।

१ तिमोथि 6:11

तर तुँइ, परमेस्वरक् मानुस, यि नराम्‍रो कहिनलकेसौ टार्‌हो बस्। आउँ धार्मिकताइ, भक्‍तिमा, बिस्वासै, पेरेमै, स्थिर बस्बाक् आउँ नम्‍र भेबाक् कहिनै आफ्निक् मन लागाउ।

१ तिमोथि 6:20

दिठाउ तिमोथि, परमेस्वरे तोरानि जे सोंप्लो धरेस्ला, उ राम्‍रोइसौ रछ्‍या करिहिन् धर। कट्‌कापय मानुसलके सन्सारक् मुर्ख कहिन् आउँ “ग्यान” बाजिहिन् मानट्‌थ्ला, उ झुठ् कहिनक्‌भटे टार्‌हो बस्।

१ तिमोथि 6:3

यदि कुन्हुँइ झुठ् सिद्‌धान्त सिखाइस् भेने आउँ हाम्‍रा पर्भु येसु खिरिस्‍टै देल सत्य सिच्छा आउँ परमेस्वरक् भक्‍ति अनुसारक् सिच्छाइ सहमत नाभेओइ भेने,

१ तिमोथि 6:5

आउँ यरङ् मानुसलके ता सटौघरि कचिङ्‌गल करिहिन् बसट्‌थ्ला। उखर्ह्‌वाक् बुद्‌धिय बिग्‍रल भेट्‌थ्ला। आउँ उखर्ह्‌वाइ सत्यलाइ गुमाहिन् सक्ल भेट्‌थ्ला। तसौ उखर्ह्‌वाइ परमेस्वरक् भक्‍ति कर्बाक्‌सेहे धनि बन्बाक् पैंदा सोंचोट्‌थ्ला।

२ तिमोथि 2:16

सन्सारक् मुर्ख कहिनलकक्‌भटे अलग बसह, यहिं ता मानुसलकलाइ परमेस्वरक्‌भटे झन्-झन् टार्‌हो लेगायला।

२ तिमोथि 2:23

तर मुर्ख आउँ बेसमझक् बाद-बिबादक्‌भटे अलग्गे बसह। तोरालाइ थाहा रहेस्ला कि, यरङ् कहिने ता झग्‍रा माटेन् भेला।

२ तिमोथि 3:12

साँच्‍चिय खिरिस्ट येसुमा भक्‍तिक् जिबन बिताबाक् इच्‍छा कर्लाहारलक् जम्माय जेनालाइ सतावट आइहालेट्‌थ्ला।

२ तिमोथि 3:5

उखर्ह्‌वाइ धर्मक् भेस ता धारन करट्‌थ्ला। तर ओक्‍राक् सक्‍तिलाइ सेहे इन्कार करट्‌थ्ला। तुँइ यरङ् मानुसलकक्‌भटे टार्‌होय बस्।

२ तिमोथि 4:4

आउँ उखर्ह्‌वाइ ता सत्यक् कहिनलाइ इन्कार करथ्ला, तर दन्त्यकाथाहा सुन्बाक्‌लाइ मन पोराथ्ला।

तितस 1:14

तसौ यहुदि दन्त्यकाथाहालक् आउँ सत्यलाइ इन्कार कर्लाहार मानुसलकक् आग्या सुन्बाय बुन् सुनह।

तितस 2:12

यिहे अनुग्रहै हाम्‍रानि परमेस्वरलाइ मन नहिंपोर्लाहार जिबन आउँ सन्सारक् थोकलकक् लालच छार्बा लागायला, आउँ यि अनुग्रहक् कारने हामि आफ्निलाइ अधिनै धरिबानाइ उ सन्सारक् सहि आउँ परमेस्वरलाइ मन पोर्लाहार जिबन बिताबा पारुहुँक्ला।

तितस 3:9

तर मुर्ख कहिनक् तर्क-बितर्क, लामो-लामो बङ्‌साबलिक् काथाहालक्, फुट आन्‍लाहार आउँ यहुदि नियमक् बिसइमा झग्‍रा कर्लाहारलकक्‌भटे टार्‌हो बसह। किसाबुने यि काम करिहिन् किच्‍छुय फाइधा नाभेक्। यि ता ब्यर्थक् कहिन् हो।