१ तिमोथि 2:2 - देवास राई

² राजालक् आउँ सरखारि मानुसलकक् लागि आको सटौघरि पाराथ्ना करह। यरङ् करिबुने हामि सान्तिसौ परमेस्वरक् भक्‍ति आउँ आदरक् जिबन बिताबा पारुहुँक्ला।

१ तिमोथि 2:2 ပူးပေါင်းရင်းမြစ်များ

लुका 1:6

उ दोहोजेनायँ परमेस्वरक् नजरइ धर्मि रैल्‍लुहुन्। आउँ परमपर्भुक् आग्‍या आउँ जम्मा नियमलक् नहिं बिराहिने मानथ्।

लुका 2:25

उ बेलाइ सिमियोन बाज्ल मानुस यरुसलेमै बसइ। उ धर्मि मानुस रैल्हक् आउँ परमेस्वरक् सेवा करइ। ओहिं इस्‍राएलिलकलाइ बाँचालाहार मानुसक् पैंदा दिठाहिन् बस्ल रैल्हक् आउँ पबित्‌र आत्मा ओक्‌राक्‌ठालाइ रैल्हकुन्।

प्रेरित 10:22

उखर्ह्‌वाइ ओक्‌रानि जुबाप देलिहिंक्, “एकजेना कर्नेलियस बाज्ल कप्‍ताने हाम्‍रानि पाठाल हो। उ एकदमे धर्मि आउँ परमेस्वरक् डर मान्लाहार मानुस रहैस्। आउँ जम्मा यहुदिलकुहु ओक्‌रानि एकदमे मान कर्थिला। एक्टा पबित्‌र स्वर्गोदुते ओक्‌राक्‌ठालाइ देख्वार पोरिबानाइ तोरानि ओक्‌राक् घरै हाँख्‍राइबानाइ तोराभटे खभरलक् सुन्बालाइ स्वर्गोदुते बोल्‍लो धरेला।”

प्रेरित 24:16

उहेसिहिरे मुँइ परमेस्वर आउँ मानुसलकक् आगारि सटौघरि निर्दोस जिबन बिताबाक् कोसिस करम्‍ना।

१ थेसलोनिकि 4:11

हामि तोहोराखर्ह्‌वालाइ पैल्हाहि बोल्‍लोक्‌परौ सान्‍तिमा जिबन बिताबाक् मन लागाहो। आउँ आफ्निक्-आफ्निक् कामै ध्यान देहो आउँ आफ्निक् लागि आफ्निहि काम करिहिन् कामाहो।