१ तिमोथि 2:10 - देवास राई

¹⁰ बरुस राम्‍रो कामक्‌भटे साजाइजाइल भेउस्, जुन्‌सेहे परमेस्वरक् भक्‍ति कर्लाहार अइमाइलकलाइ सोहायला।

१ तिमोथि 2:10 ပူးပေါင်းရင်းမြစ်များ

प्रेरित 9:36

योप्‍पा सहरै एकजेना पर्भुलाइ बिस्वास कर्लाहार अइमाइ रैल्हक्। ओक्‌राक् नाउँ तबिता रैल्हकुन्। जक्‌रालाइ गिरिक भासाइ डोरकास आको बाजथ्। जक्‌राक् अर्थसेहे हरिनि हो। ओहिं साँद्‍धाउनि ओर्कोक् लागि राम्‍रो काम करै आउँ गरिपलकुहुलाइ मदप करेथ्।

प्रेरित 9:39

तसौ पत्‌रुस उठिबानाइ उहेखर्ह्‌वाक्‌सङ्‌हिं योप्‍पा सहरै जाइलक्। ओछि पुग्नेसौ मानुसलके ओक्‌रानि घरक् उप्‍रक् कोठाइ लेगालिहिंक्। बिध्वालकेसेहे पत्‌रुसक् चारौपाखा ठड्‌ध्याइबानाइ तबिताइ बानाल लुगालक् देखाइबानाइ काँर्बा ठाल्‍लुहुन्।

१ तिमोथि 2:11

अइमाइलक् कुन्हुँइ सिखालटाकै, अधिनै चुप्‌चाप बसिहिन् सिखुस्।

१ तिमोथि 2:9

उहेरङ् करिहिन् अइमाइलकुहु सोहालाहार करिहिन् साधारन आउँ आदरयोग्यक् लुगा लागाउस्, उखर्ह्‌वाइ आफ्निक् झोंटालाइ बर्ता सिङ्‍ङार करिहिन्, सोंनो, मोतिक् गहना आउँ बर्ता मोल पोर्लाहार लुगालक् बुन् पेहेरुस्।

तितस 2:14

खिरिस्ट येसुइ हाम्‍रानि सेब्‌भ्‍रोउ पापक्‌भटे छुट्‌कारा देबाक्नि, हाम्‍रालाइ पबित्‌र बानाबाक्नि आउँ राम्‍रो काम कर्बाक् जोसिलो भेल मानुस बानाबाक्नि आफ्निक् पारान हाम्‍रा लागि देलक्।

तितस 3:8

यि सत्य कहिन् हो। मुँइ चाहाम्‍ना कि तुँइ यि कहिनलकै जोर देउ, जैहिं परमेस्वरै बिस्वास कर्ल धरट्‌थ्ला, उखर्ह्‌वाइ राम्‍रो काम कर्बाक् ध्यान देउस्। किसाबुने यि जम्मा कहिनलक् मानुसलकक् लागि राम्‍रो आउँ फाइधा देलाहार कहिन् हो।