१ तिमोथि 2:1 - देवास राई

¹ असौ सेब्‌भुइसौ पैल्हा मुँइ बोल्बा चाहाम्‍ना, सेब्‌भ्‍रोउ मानुसलकक् लागि नम्‍र-निबेदन, पाराथ्ना, अन्तरबिम्ति आउँ धन्यबाट आको देबाक् करह।

१ तिमोथि 2:1 ပူးပေါင်းရင်းမြစ်များ

प्रेरित 17:30

यिहेसैर्‌हे बित्ल समइमा अन्जानै कर्ल कामलाइ परमेस्वरे वास्ता नहिंकर्लक्। भेटौसुधा परमेस्वरे जम्मा ठाँओक् सेब्‌भ्‍रोउ मानुसलकलाइ आफ्नि-आफ्निक् पापलाइ मानिलेहिन् छार्बा बाजिहिन् आग्या देल धरैस्।

१ थेसलोनिकि 3:12

जहरङ् हामि तोहोराखर्ह्‌वालाइ पेरेम करुहुँक्ला, उहेरङ् करिहिने पर्भुइ तोहोराखर्ह्‌वालाइ आको एक्‍टाइ-ओर्कोक्‌सङ्‌हिं आउँ जम्माय मानुसलकक्‌सङ्‌हिं पेरेम कर्बाक् कहिनै बर्टे जाबा पार्लाहार बानाउस्।

२ थेसलोनिकि 1:3

दाजुभाइ आउँ दिदिबैन्हिहेलक्, तोहोराखर्ह्‌वाक् लागि हामि साँद्‍धाउनि परमेस्वरलाइ धन्यबाट नहिंदेहिन् बस्बाय नाप्पारुहुँक् आउँ यरङ् कर्बाक् ता राम्‍रो कहिन् हो, किसाबुने तोहोराखर्ह्‌वाक् बिस्वास एकदमे बर्टे जाइल रहेर्ला आउँ तोहोराखर्ह्‌वाक् माझै एक्टाइ-ओर्कोलाइ पेरेम कर्बाक् कहिन् आको बर्तिहि रहेर्ला।

१ तिमोथि 2:4

सेब्‌भ्‍रोउ मानुसलके मुक्‍ति पाउस् आउँ उखर्ह्‌वाइ सत्य कहिनलाइ बुझुस् बाजिहिन् ओक्‍राक् इच्‍छा रहेक्ला।

१ तिमोथि 5:5

आफ्निक् कुन्हुँ मानुस नहिंभेलाहार बिध्वाइसेहे आफ्निक् आसा परमेस्वरिहिमा माटेन् धर्ल भेइस्। तसौ ओहिं दिनरात परमेस्वरक्‌सङ्‌हिं मदप माङिहिन् पाराथ्ना करैस्।

२ तिमोथि 2:24

पर्भुक् सेवा कर्लाहार मानुसे झग्‍रा कर्बा नाभेक्, तर जम्माहिलाइ दया कर्लाहार, सिखाबा पार्लाहार आउँ सहनसिल मानुस भेबा पोर्लाहार।

तितस 2:11

किसाबुने सेब्‌भ्‍रोउ मानुसलकलाइ मुक्‍ति देबाक् लागि परमेस्वरक् अनुग्रह पर्कट भेल रहेला।

तितस 3:2

उखर्ह्‌वाइ कुन्हुँहिलाइ बदनाम बुन् करुस्, झग्‍राउ बुन् करुस्। नम्‍र भेउस् आउँ जम्मा मानुसलकक्‌सङ्‌हिं मिलिहिन् राम्‍रो ब्यभार करुस्।