Yuda 1:3 - Yoak kekehagocac Dzadzahac gboria nga Mitiyegec

^3-4 Songo tosofocna, Anutungo nenahafoc komoc kpenideac mengerenunuec, imocac yoac kibiu ohongemmebadeac efaiyombonggeai. Nga yoac imoc wama ngic goa botucnginau sufu sufuu bic eregec kecdaengoc, yeneac amma yoac mong ohobeso negenduae. Imoc yofi, ngeni sing dafi Anutu negensinggegecdeac yeng warac nenang kpetiac areng nemmedarec, imocac dzikac seriangoc kpebisia amma ngeni imoc mi wagecdeac gorongina kpeduae. Ngic imoc yeneac negemma warac mitikibiu yofi oho ohoya fede, “Anutungo fakangina isinggema desiu kopocsicac turunga fingecyemmeude.” Yeneng bangecac faka hoanggema Anutuninaac danggunuc nga wosoefac faka mereng kpereng dema sebinginaac negensongo amma manganaac kpae mong mi heiandae. Nga yeni Kunennina nga Kebunina Yesu Kristoac negenggec mamea anu busic kpeandae.

Deduamiti

^3-4 Songo tosofocna, Anutungo nenahafoc komoc kpenideac mengerenunuec, imocac yoac kibiu ohongemmebadeac efaiyombonggeai. Nga yoac imoc wama ngic goa botucnginau sufu sufuu bic eregec kecdaengoc, yeneac amma yoac mong ohobeso negenduae. Imoc yofi, ngeni sing dafi Anutu negensinggegecdeac yeng warac nenang kpetiac areng nemmedarec, imocac dzikac seriangoc kpebisia amma ngeni imoc mi wagecdeac gorongina kpeduae. Ngic imoc yeneac negemma warac mitikibiu yofi oho ohoya fede, “Anutungo fakangina isinggema desiu kopocsicac turunga fingecyemmeude.” Yeneng bangecac faka hoanggema Anutuninaac danggunuc nga wosoefac faka mereng kpereng dema sebinginaac negensongo amma manganaac kpae mong mi heiandae. Nga yeni Kuctoa mingina nga Kebunina Yesu Kristoac negenggec mamea anu busic kpeandae.

Yuda 1:3 ပူးပေါင်းရင်းမြစ်များ

Aposoro 17:3

Ifi amma yoac yofi dema mitikibiu yoac edzacyunuma deireckeyemmeec, “Messiango kpendzeng kpekecma homema monggoc gborima yarude, imoc mitikibiu dedea fede. Amma Yesu yennoc Messia, imoc dekperagikecduae.”

Aposoro 18:28

Ye didiu yombong yoac kucgoc yudangic dedzameyunuma yofi dekperagiec, “Yesu yennoc Messia.” Ye mitikibigoc yoac imoc dema edzacyunuu ubangina kuha maec.

Aposoro 28:28

Imocac edengunuba negenggec, Anutungo memengerec sing meficgeec, imoc bangec monnunac ngicngac, yeneac arennoc ande, yeneng yoacna negemma komoc kpegecde.” Paurongo ifi deu negemma wama kenggec.

Aposoro 4:12

Ngic monggaru kpeketahegec yeng kopocsicac ebicfunac naric mi mesiyunuude, komoc kpegecdeac sing mong mi fede, kpac. Bangeha bangeha nenang Yesuac kpacfu kecni yeng kopocsicac ebicfunac mesinunuu komoc kpenide.”

Aposoro 6:7

Anu Anutuac yoacngo Yerusarennu yadima sokoma kenu Yesuac habu yenearu nasoya nasoya torokpeu torokpe fingeckenec. Fingeckenu Anutuac womong gareng, yenearunac homacngo siduc gombung negensinggema modacgec.

Aposoro 9:13

Ifi deu deec, “Kebu, ngic yeac homac degec negenganduae. Ye geac kpetiac arengfocga Yerusarennu megigi noc efea ayemmeande.

Aposoro 9:22

Ifi degec Saurongo serima yofi deec, “Foracngoc, Yesu ye Messia.” Ye imocac hania edzacyunuu yudangic Damasko kecgec, yeni negemma kpidohoma yoara turunga mi merenggec.

1 Korinti 15:3

Ni hanahema Kebuarunac yoac engena yofi mema ngemmeai, Kristongo nenang kopocsicninaac amma homeu

Garata 2:5

Nga siduc gombunggac yoac fora ngenearu seria feudeac neneng naso monggac ngic ifia yeneac yoac bageau mong mi kefing, kpac.

Garata 3:28

Imoc yudangic me grikngic me wanacngic minginagoc me ngic witiha kpac, ngic me ngac, ngeni areng mong mong mi andae, ngeni sasawango Yesu Kristoaru kpeketahema areng mocgu andae.

Garata 6:11

Henggec, neannaoc marinango kibi kuneng yombong ohongemmeduae.

Efeso 1:1

Ni Paurongo Efeso taonnu kpetiac areng kecdae nga Yesu Kristo negensinggedae, ngeneac kibi yomoc faiduae. Anutungo negennenu Yesu Kristoac aposoro anduae.

Firipi 1:1

Yesu Kristoac wanacngic Pauro nga Timoteo, nereng kibi yomoc faidipe, imoc Firipi taonnu kpetiac areng sasawa nga kpebunggac enarafocngina amma kpebunggac memefic ngicngacfocngina Yesu Kristogoc kpeketahema kecdae, ngenearu hade.

Firipi 1:27

Ni hama ngenembade me hereau kecma ngeneac yoacsiduc yofi negembeso anduae, ngeni ongaasu mocgu nga ubahere mocgu kecma ngabafocngina yeneac mong mi kengecngunumanu serima namma yeni siduc gombung negensinggegecdeac ewema kpendzenggoc uatoa mekecdae. Imoc fingerudeac ngeni Kristoac siduc gombung imocac sirihau kecbisia. Faka imocngo ngabafocngina yofi edzacyunuude: Yeni manganema kpac anggecde nga ngeni ine komoc kpegecde.

Kolosai 1:2

Kpetiac areng nga ngicngac Kristogoc kpeketahema ye negensinggema Korosai taonnu kecdae, kibi yomoc ngenearu faide hade. Anutu Manninango danggunuc ngemmema ruaea ngemmebeso.

1 Tesaronike 2:2

Neni Firipi bangecfu warac kecmina yeneng kpendzennu fainunuma nununenere anemmegec. Nga ngenearu hani Tesaronike ngicngac goa yeneng ifingoc homacngoc yombong deendema anemmegec. Ifi anemmegec neni Anutuaru heirima kengeha kpac kecma Anutuac siduc gombung dekperagingemmeing, ngeni imoc negendae. (Aposoro 16:16-40)

1 Timoteo 1:18

Medacna Timoteo, ngabafocnina yenigoc dzikac gombunga kpekecbesena. Ifi annadeac profete yoac gearu degec negennec. Imoc modacnadeac edeguduae.

1 Timoteo 6:12

Negen negensinnu magubacac dzikac gombunga kpema nedzibesena. Amma uatoa mema nedzima kekecseriu hasikenade. Imoc menadeac Anutungo kpacguec. Amma sing gombunga imoc modacbeso annec, imoc warac ngicngac yeneac kicfu deficgena hepuc anggenggec.

2 Timoteo 1:13

Ni sirihau Anutuac yoac ngicngac kpouyemmeanduae, geanggaoc imoc negenec nga imocac sirihaungoc edekpou ayemmebesena. Nga Yesu Kristogoc kpeketahema negen negensing nga heresongogoc kecma Anutuac yoac imoc hoanggema modacbesena.

Tito 1:4

Tito, negen negensinnu medacyombonna, ni kibi yomoc gearu faiduae. Anutu Manggac nga memengerecnina Yesu Kristo yerearunac danggunuc nga ruaengo gegoc febeso.

Hebiraio 13:22

Negen negensinggoc tosofocna, ni kibi yomoc ohongemmeduae, imocngo herea mi ande, imocac ngeni dederecge yoac yomoc modzotitia kpac kecma negenggecdeac igocngunuma deduae.

Hebiraio 6:9

Songo tosofocnina, ngeni ngicngac ifia kpac amma ngeneng komoc kpegecdeac areng, ifinoc negensima kecdimbe. Ifi negensima sifu goroyoacngina dedimbe.

1 Petoro 5:12

Siriwano ye negen negensinggoc tosonina yeac yofi negemma deduae, ye uau serima namma meficnuu kibi wegena yomoc ohongemmeduae. Ni nanggengunuma Anutuac danggunuc fora imocac hepuc amma dekperagingemmeduae, ngeni imocac hoannu seria kecbisia.

2 Petoro 1:1

Ni Simong Petoro, Yesu Kristoac wanacngic nga aposorongo kibi yomoc ohongemmeduae. Nenang Anutu nga memengerecnina Yesu Kristo, yeri dindingac, imocac amma nenang negen negensinggac nadunga mocgu meficgenemmeoc. Imoc wiac engena yombong.

2 Petoro 2:21

Ngic mong ye ubamereng amma Kebuac kpetiac singyoac mema sing dindingac negemma modacande, ye imohacnac monggoc dzigenema keema ebictoa meficgeude. Imocac yeni hanahema sing dindingac negenggec naso imohai mi hoanggebaungo ngereebac.

Yuda 1:1

Ni Yuda, Yesu Kristoac wanacngic nga Yakoboac munea. Anutu Manggacngo ngicngac kpacngunuma heresongogoc hoangngunuande, ngeni seria nanggecdeac Yesu Kristongo garengngunuma kecde, ngenearu kibi yomoc hade.

Yuda 1:17

Songo tosofocna, Kebunina Yesu Kristoac aposoro yeneng wiac fingerudeac warac degec, ngeni imoc negenggec febeso.

Yuda 1:20

Anu songo tosofocna, ngeni negen negensingngina kpetiac ande, imoc negemma yadiseri anggecdeac nanggeemebisia. Nga Tiri Asungo ngenearu ua meu ngeni nunumu ua mekecma

Yohaneac kpefing 12:11

Yeni ramamedahaac sawa nga Kebuac yoac dekperagigec amma yenang kekecngina mi segerema homecac wagecac amma firang anggec.

Yohaneac kpefing 2:10

Ge kpendzeng kpenadeac kengec mi ambesena. Mangana mingina yeng faitobannu faingunuudeac negemma ngenearunac goa witicamau faingunuu ngeni uameme 10gac manau ubahodunggoc kecgecde. Goa ngunuhomegecde isoc geng ine yoacdedena modacma seria kecmana kekecac ira gembade.”