Yohaneac kpefing 5:2 - Yoak kekehagocac Dzadzahac gboria nga Mitiyegec

² Ni angero mong kuhagoc hemba yeng uba kunengngo yofi arohoec, “Merac eweheiheiagocngo kibi mendac mendanggea mekpacgema kpou kpouya imoc witiudeac siriha ande?”

Deduamiti

² Ni angero mong kuhagoc hemba yeng uba kunengngo yofi arohoec, “Merac eweheiheiagocngo kibi mendac mendanggea mekpacgema kpou kpouya imoc witiudeac siriha ande?”

Yohaneac kpefing 5:2 ပူးပေါင်းရင်းမြစ်များ

Mitiyegec 103:20

O kebuac angero, ngeni ye kenehebisia. Yeac areng kucnginagocngo yeac yoac negengkecma yoara tofohoma ua mekecdae nga yeac ubaudumeng negenggecdeac kedzac kpeandae, ngeni ye kenehebisia.

Yohaneac kpefing 10:1

Anu ni angero kuhagoc mong hemba kurumennunac maec. Ye hoengngo temboc tembonggea oruhau asommadoc heiec nga kicmesuya imoc wenackiwa isoc amma hanihora imoc wotung isoc gerehagoc.

Yohaneac kpefing 18:21

Anu angero kuhagoc mong, yeng dzamandzingtoa mong mema kondunnu ukuma yofi deec, “Yeni Babirong taongtoa gereagoc kondunnu ifi ukugec monggoc naric mi meficgegecde.

Yohaneac kpefing 5:1

Kebu ngictau tatacfu tarec, ye kibi kpou kpouya mong marifoiau mekefec. Nga imoc kibi manaac ngadeau kibi oho ohoya feec. Anu imohai kendokereha 7 onganginagoc, imocngo mendac mendanggea henai.

Yohaneac kpefing 5:5

Kiacba ngic enarafocngina yenearunac mongngo yofi edenuec, “Negenna, ge kiac wana! Yuda kisicfunac raiong nga Dawidiac godeaunac sera, yeng firang anec. Imocac amma ye kibi kpou kpouya mendac mendanggea 7 mekpacgema kibi imoc naric witiude.”