Yohaneac kpefing 22:4 - Yoak kekehagocac Dzadzahac gboria nga Mitiyegec

⁴ Yeni yeac kicmesuya henggecde nga yeac kpara mesunginau oho ohoya feude.

Deduamiti

⁴ Yeni yeac kicmesuya henggecde nga yeac kpara mesunginau oho ohoya feude.

Yohaneac kpefing 22:4 ပူးပေါင်းရင်းမြစ်များ

Mitiyegec 17:15

Anu ni dindingac kecma kicmesuga hemma gauunac gborima geac kicsiric hemba gunucnude.

Mitiyegec 4:6

Ngicngac homacngo yofi deandae, “Wiac gombunga edzacnunugecdeac anemmede. O kebu, ge kicmesugaac kperagingo nerarannununa.”

Mitiyegec 42:2

Ni dokuac homeanduae, ifi isocngoc ubaonganango Anutu kekehagoc yeac ammide. Ni kemma Anutuac kicfu namma ye hembade, naso imocac homac yombong tomai kecduae.

Mataio 5:8

Ngicngac ubangina kongaha kecandae, yeni kenecnginagoc, yeni Anutu henggecde.

Yohane 12:26

Nga ngic mong ye kingang kpekpena ambeso negendeu ye ni modacnubeso. Nga ni kecbade, ye imohai ifingoc nigoc kefude. Nga ngic mong ye neac kingang kpeudeu, Mannango ye seseheude.”

Yohane 17:24

Manggac, bangec nga kurumeng mi fingecmaec ge bic heresongogoc hoannuma kuc nga kibikperagi nennec. Nga ngicngacfocna nennec, yeni neac kuc kibikperagiagoc imoc henggecdeac neng kecbade, imohaingoc nenahafoc kecnideac anende.

1 Korinti 13:12

Anu yofinenggac wiac hengandimbe, imoc wikinnu onga irec ireckea kpac, ifisac wiac hengkecdimbe. Ngade kecma wiac fora kicngo hennide. Yofinenggac wiac noboha negengandimbe. Anutungo hafoangoc negennenec, ni ifi isoc naso imohai wiac hafoangoc negendacbade.

Hebiraio 12:14

Ngeni kpetiac kekec mi kecgecdeu Kebu naric mi henggecde, imocac ngeni ngicngac sasawa yenigoc ruae nga kpetiac kecgecdeac uatoa mebisia.

Yohaneac kpefing 14:1

Ni ramamedaha hemba ye Siong tikiu ngicngac 144 tauseng yenigoc nanggec. Nanggec, yeni ramamedahaac kpackibi nga Manggacac kpackibi mesunginau mekecgec.

Yohaneac kpefing 3:12

Firang anude, neng ye gununggeba Anutunaac womong manaac wotung seria anude. Nga ye womong imoc monggoc mi waude. Nga ni yeac witiau Anutunaac kpac amma Anutunaac taongtoaac kpara nga neanna kpacna gboria ifingoc ohobade. Taongtoa imoc Anutunaac taong nga imoc Yerusareng gboria amma kurumennunac neac Anutuarunac maude.’

Yohaneac kpefing 7:3

“Ngeni bangec me kondung me ic bic mi memanganebisia. Neneng Anutuninaac wanacarengfora mesunginau kibi faiminaguc ngeni ine wiac sasawa memanganebisia.”