Yohaneac kpefing 21:4 - Yoak kekehagocac Dzadzahac gboria nga Mitiyegec

⁴ Amma yeng kickumangina sasawa kicnginaunac mekerenggeude. Nga homec nga ubahodunggac kiacsonggong amma asira monggoc mi feude. Wiac warac feec, imoc bic kpac anec.”

Deduamiti

⁴ Amma yeng kickumangina sasawa kicnginaunac mekerenggeude. Nga homec nga ubahodunggac kiacsonggong amma asira monggoc mi feude. Wiac warac feec, imoc bic kpac anec.”

Yohaneac kpefing 21:4 ပူးပေါင်းရင်းမြစ်များ

Mitiyegec 144:4

Bangecfu ngic neni ine wiac engena kpac. Ngic neneng asu naso mocgu taiandimbe, ifisac. Nga kekecnina imoc wenacfu onganinango hereande, ifi isoc ande.

Mataio 24:35

Fingeru bangec nga kurumeng kpac anecde nga neac yoac, imoc ine mi kpac anude.

1 Korinti 15:26

Ifi faiyunuma ngabaya wisic wisickea, imoc kpara homec, ye meickeu kpac anude.

1 Korinti 7:31

Nga ngicngac bangec yomocac wiac bummema mekecdae, ngeni wiacngina efeanec feyemmede, ifi isoc kecbisia. Nga bangec yomoc yaguc fede, imoc kpac ambesande.

2 Korinti 5:17

Mong ye Kristoaru kpeketahama kefudeu Anutungo ye meficgeu gboria fingecma kefude. Kekec eseaac wiac imoc bic kpac anec nga kekec gboria imocngo fingecma feudenoc.

2 Korinti 6:17

Imocac amma, “Kebungo yofi dede, ‘Ngeni yeneac botucfunac meickema wayunuma tembucngina kecma wiac mong wonongagoc mekpesere mi ambisia. Ngeni ifi anggecdeu neng hoangngunuma negengngemmebade. (Yesaia 52:11; Edzekie 20:24, 41)

Hebiraio 12:27

Nga “Naso monnu monggoc.” yoac imocngo yofi dekperaginemmede, wiac hanac hanaheau deu fingecdarec ye imoc kpemindzaheu kpac anude. Nga wiac sasawa mi fingecmanu nanec, ye imoc ifingoc kpemindzaheu seria namma fefeseri feude.

2 Petoro 3:10

Nga Kebuac hahanaso, imoc hamangec ngicngo haandae, ifi isoc haude. Naso imohai sawau wiac sasawa fedacde, imoc gerecngo yonohodarude nga sawango udumengtoagoc aockema kpac andarude. Amma bangec nga wiac sasawa maringo memea imocac witiau fede, imoc monggoc mi feude.

1 Yohane 2:17

Anu bangectoa bangec nga imocac songofaka, imoc kecma kpac andarude nga ngic mong ye Anutuac enac tofohoande, yeng kechereema kefude.

Yohaneac kpefing 20:13

Nga kondung manau homegec kecdae, kondungo yeni wayunuec. Homecac eucerereng manau homegec kecdae, ye nga homecngo yeni wayunuoc. Ifi anu ngicngac tembuc tembuc angammemenginaacsoc yoacngina desigec.

Yohaneac kpefing 20:14

Faiyunuma homec nga homecac eucerereng gereckondunnu ukugec. Imocngo homec kpetea yohockang ande.

Yohaneac kpefing 21:1

Ni kurumeng nga bangec gboria yerenai. Imoc yofiac, bangec nga kurumeng warac feoc, yeri kpac anoc nga kondung imoc monggoc mi feec.

Yohaneac kpefing 22:3

Nga sowec sasawa kpac andarude. Anutu nga ramamedahaac ngictau tatacngira imohai taru wanacarengfora ye kingang kpemigecde.

Yohaneac kpefing 7:17

Imoc yofiac, ramamedaha ngictau tatacac dzongiau nande, yeng ramagarengngina amma kekecac dokukiwau hesicyunuude. Nga Anutungo kickumangina sasawa kicnginaunac mekerenggeude.”