Yohaneac kpefing 14:5 - Yoak kekehagocac Dzadzahac gboria nga Mitiyegec

⁵ Amma enacnginaunac ikoc mong mi ereu yeni kpetiac nga manganangina kpac kecgec.

Deduamiti

⁵ Amma enacnginaunac ikoc mong mi ereu yeni kpetiac nga manganangina kpac kecgec.

Yohaneac kpefing 14:5 ပူးပေါင်းရင်းမြစ်များ

Mitiyegec 32:2

Ngic mong ye ngicngac ogofora memanganeyunuu kebungo kopocsiha wau kpac andac deande nga ngic mong ye asuyau ikoc mong mi fede, ngic imoc ye kenehagoc.

Mitiyegec 34:13

ge nedzaranggango yoac mangana mi debesena amma ge enacbibicgango ikocyoac mong mi debesena.

Mitiyegec 55:11

Yeni wiac kpetotiegecdeac negen negeng mekecgec, imocngo taong botuhau wiac kuneng ande. Ngic yeni ngicngac ogofocngina ebicfu faiyunugec ubaebicgoc kecdae nga goa yeni ikoc amma hiedzo kiregecandae. Faka imocngo emenecnginau fekecma mi kpac anude.

Mataio 12:34

Ngeni boidzocac fingecsaheunac. Nga wiac ubaherenginau wakema fede, imocnoc enacnginango dekperagiude. Ngeni ngic manganango yoac gombunga degecdeacsoc mi ande.

Ruka 23:4

Anu Piratongo womong gareng enara nga habu yeneac deec, “Ngic yomocngo singyoac mong mi kpeec, ni kopocsiha hofocduae.”

Yohane 1:47

Nga Yesungo Natanae henu yearu kenu yofi deec, “Henggec, ngic yomoc israengic fora, yearu ikoc nga faitobang faka mong mi fede.”

Efeso 5:27

Dzuacnunuma menunuu kpebungfora nenang nekuc nekutuckea kpac nga goctoponina kpac kecma yeac kicfu fingecnide. Nenang gombunga nga kpetiac ebicnina kpac kecma kuc nga kibikperagininagoc yeac kicfu fingecnideac negenec.

Kolosai 1:22

Ifi kecma kpetiac nga kpataning amma kopocsicngina kpac anggecdeac yeng mengunuma yeac kicfu faingunuu nanggecdeac negenec. Imoc fingerudeac ye homeec, naso imohaingoc yengena sebiu ngeneac kopocsicac turunga kpouu ruae fingerec.

Hebiraio 9:14

Kristongo kekecseriac Asugoc namma yengena soronga amma kekeha Anutuaru faiemeec. Yeac sacngo yangburumaka sacngina homac ferahede. Imocngo herenegen negennina dzuacdaru angammemenina kpakparoha kpac anu Anutu kekehagoc kingang kpeminide.

1 Petoro 1:19

Ye Kristoac sacngo bumengunuec. Nga Kristoac sac imoc wiac engena yombong, imoc rama medaha mong puringa kpac nga ebiha kpac, yeac sac isoc. (Makekeng 12:5, 29:1; Sesememe 22:17-25)

1 Petoro 2:22

Ye kopocsic mong mi meficgeec amma yeac enacfunac ikocyoac mong mi negenggec. (Yesaia 53:9)

1 Petoro 3:10

Imoc yofiac, “Ngic mong ye kekecac songo negembeso nga naso gombunga hembesonga ammikecde, ye nedzaranga yoac mangana debacac nga enacbibihango ikocyoac debacac garenggebeso.

Yuda 1:24

Anutu yengenaoc garengngunuudeac kuc femide, imocac ngeni naric mi mangunuude. Yeng ngeni hesicngunuma yengena kuc nga kibikperagiaac kicfu faingunuu ngeni kopocsicngina kpac sufu sufugoc imohai nanggecde.