Yohaneac kpefing 1:11 - Yoak kekehagocac Dzadzahac gboria nga Mitiyegec

¹¹ “Ge wiac hennecmoc, imoc kibiu ohona. Ohoma kpebung 7 Efeso nga Simirna amma Peagamong nga Tiatira amma Sarde nga Firadefia amma Raodikea, ge kibi imoc yenearu faina kenu.”

Deduamiti

¹¹ “Ge wiac hennecmoc, imoc kibiu ohona. Ohoma kpebung 7 Efeso nga Simirna amma Peagamong nga Tiatira amma Sarde nga Firadefia amma Raodikea, ge kibi imoc yenearu faina kenu.”

Yohaneac kpefing 1:11 ပူးပေါင်းရင်းမြစ်များ

Aposoro 16:14

Yeneac botucfunac ngac mong Tiatira taonnunac kpara Ridia, ye finacama mingina nga kporuc sacsac faikefec. Ye Anutu eweheimima kefu Kebungo ubea mekperagiu Pauroac yoac kedzac kpema negenec.

Aposoro 18:24

Naso imohai Efeso taonnu yudangic mong haec, kpara Aporo. Ye Aresandria taonnu fingecma kibiamatoa mesima mitikibiu yoac oho ohoya feec, imocac hania negentegecdarec.

Aposoro 20:17

Sikema ihai namma Efeso yoac faiu kenu kpebung enarafocngina hagec.

1 Korinti 15:32

Ni Efeso amau wasaiyang yenigoc ewekpekpe anai. Amma ni ngicngac sicsauc kecdae, yeni isoc kecbai ewekpekpena imocac fora mong mi fingeru yofi debai, “Homecfunac yacyac mi feudeu nenang yaguc nenedoku naric nema wereckenu homedacnide.” (Yesaia 22:13)

1 Korinti 16:8

Amma Efeso bangecfu kecbare Pentekos naso wisickeu monggoc wama kembade.

Efeso 1:1

Ni Paurongo Efeso taonnu kpetiac areng kecdae nga Yesu Kristo negensinggedae, ngeneac kibi yomoc faiduae. Anutungo negennenu Yesu Kristoac aposoro anduae.

Kolosai 2:1

Korosai ngicngac ngeni nga Raodikea ngicngac amma sasawango kicmesuna mi negendae, ngeneac nga yeneac amma kpendzeng kpema uatoa mekecduae, ngeni imoc negenggecdeac negenduae.

1 Timoteo 1:3

Ni Makedonia prowinsiu kembeso amma yoac yofi edeguai, ge Efeso mi wama imohai ngic goa yenearu kemma dede goa siriha mong mi kpouyemmegecdeac kpetariyemmebesena.

Yohaneac kpefing 1:17

Nga ye hemma haniau manuu homemea isoc febare yeng marifoiango witinau faima deec, “Ge mi kengecguu, ni hanac hanahea nga wisic wisickea amma kekecnagoc.

Yohaneac kpefing 1:19

Imocac ge wiac hendang imoc ohona. Ge wiac yaguc fede nga ngade fingerude, imoc momoc ohona.

Yohaneac kpefing 1:2

Edenuu neng Anutuac yoac nga Yesu Kristoac dedekperagi amma wiac neannaoc hennegeng anai, imoc sasawa mekperagingemmeduae.

Yohaneac kpefing 1:20

Asomeng 7 marifoinau menandua nga kifa nanangagoc 7 golngo memea hendang, imocac negen negeng sufu sufuya yofi ande, asomeng 7 yeni kpebung 7, yeneac angero. Nga kifa nanangagoc 7 yeni kpebung 7 andae.”

Yohaneac kpefing 1:4

Ni Yohanengo Asia prowins manau kpebung 7 kecdae, ngeneac kibi yomoc ohoduae. Anutu kefec nga kecde amma kecma habesande. Ye nga asu 7 yeac ngictau tatacac hoangau kecdae, yenearunac ruae nga danggunuc imocngo ngenigoc febeso.

Yohaneac kpefing 1:8

Kebu Anutu ye kefec nga kecdenoc amma kecma habesande, ye Kucseri minginango yofi dede, “Ni neannaoc A nga Y, hanac hanahea nga wisic wisickea.”

Yohaneac kpefing 10:4

Ifi degec ohobeso ambare kurumennunac enacudumeng mongngo yofi edenuu negennai, “Gbururung 7 yoac degec ge imoc mi ohona. Imoc mesufuna febeso.”

Yohaneac kpefing 14:13

Ifi negemba kurumennunac enacudumeng mong fingecma yofi edenuec, “Ge kibiu yofi ohona, ‘Yaguc hanahema ngicngac Kebuaru kpeketahama homedae, yeni kenecnginagoc. O, Asungo yofi dede, angammemengina gombungango modacyunukecdeac yeni ebicfunac tacnegenggecde.’”

Yohaneac kpefing 19:9

Ifi deu angerongo yofi edenuec, “Ge kibiu yofi ohona, Ramamedahaac memeturanggac fatau kpacyunuyunuya, yeni kenecnginagoc.” ifi dema yofi deec, “Anutuac yoac yomoc imoc fora.”

Yohaneac kpefing 2:1

“Ge Efeso kpebung, yeneac angeroaru kibi yomoc ohoma faina kenu.” “Ngic ye asomeng 7 marifoiau menande nga kifa nanangagoc 7 yeneac botucfu yerecgede, yeng ngeneac yofi dede,

Yohaneac kpefing 2:12

“Ge Pegamong kpebung yeneac angeroaru kibi yomoc ohoma faina kenu.” “Ngic wasai beang mana ngadea enara santac metacde, yeng ngeneac yofi dede,

Yohaneac kpefing 2:18

“Ge Tiatira kpebung yeneac angeroaru kibi yomoc ohoma faina kenu.” “Anutuac medac ye kiwa gerec borang isoc nga hania aieng sacsac gerec dzema wewengaima feande, kperagia ifia, yeng ngeneac yofi dede,

Yohaneac kpefing 2:24

Nga Tiatira kpebunnu ngicngac tosea kecdae, ngeni sifu yeac kpoukpou nga Satanggac negen negeng keme kemea dedaemoc, imoc mi megec. Nga ngeni yofi edengunuduae, ngeneac witiu ebic gboria monggoc mi faibade.

Yohaneac kpefing 2:8

“Ge Simirna kpebung yeneac angeroaru kibi yomoc ohoma faina kenu,” “Ngic homema gboriec kecde, ye hanac hanahea nga wisic wisickea, yeng ngeneac yofi dede,

Yohaneac kpefing 21:5

Nga Kebu ngictau tatacfu tarec, yeng yofi deec, “Henggec, ni wiac sasawa gboria mebade.” dema edenuec, “Ge yoac imoc ohona nocac yoac yomoc fora nga ngicngac yeneng imoc negensinggegecdeacsoc ande.”

Yohaneac kpefing 22:10

Naso wegenedeac amma ge kibi yomocac profeteyoac kasoyagoc wana mi febeso.

Yohaneac kpefing 22:16

Ni Yesungo angerona sueba yeng dedekperagi yomoc kpebung sasawa ngenearu dekperagingemmeudeac haec. Ni Dawidiac sera nga bangeha amma asoacac asomeng kibikperagiagoc.”

Yohaneac kpefing 3:1

“Ge Sarde kpebung yeneac angeroaru kibi yomoc ohoma faina kenu.” “Ngic Anutuac asu 7 nga asomeng 7 metacde, yeng ngeneac yofi dede, ‘Ni angammemega negendacduae. Ge naric kecnec degengandae nga sifu homemea siric kecnec.

Yohaneac kpefing 3:14

“Ge Raodikea kpebung yeneac angeroaru kibi yomoc ohoma faina kenu.” “Ngic kpara Fora, ye dedekperagingic amma yoara modackecde nga yoac fora dekecde. Ye Anutungo wiac sasawa deu fingerec, imocac hania kecde, yennoc yoac yomoc dede,

Yohaneac kpefing 3:4

“Anu geac arennunac ngicngac efeanecngo ine wambangina wonong mi megec. Ni haniangina ifia henaiac ngeni wamba kongac kongac heima nigoc nenahafoc kengha naric annide.

Yohaneac kpefing 3:7

“Ge Firadefia kpebung yeneac angeroaru kibi yomoc ohoma faina kenu.” “Kpetiac kekec nga faka foraac mingina, yeng Dawidiac ki metacde. Ye nagu witiu ngic mongngo naric mi heiude nga nagu heiu mongngo naric mi witiude. Nga yeng ngeneac yofi dede,