Mitiyegec 73:1 - Yoak kekehagocac Dzadzahac gboria nga Mitiyegec

¹ Foracngoc, Anutungo Israe areng faka gombunga ayemmeude. Ngicngac uba kongaha amma ikoc nga hamangecngina kpac kecandae, yeni faka gombunga ayemmeude.

Deduamiti

¹ Foracngoc, Anutungo Isracel areng faka gombunga ayemmeude. Ngicngac uba kongaha amma ikoc nga hamangecngina kpac kecandae, yeni faka gombunga ayemmeude.

Mitiyegec 73:1 ပူးပေါင်းရင်းမြစ်များ

Mitiyegec 2:6

“Foracngoc, ni ngictauna neac Siong tiki kpetiacfu bic faiba tacde.”

Mitiyegec 24:4

Mong ye maria nga herea kongaha kecande nga nemuonga mi afeheude amma ikoc mi amma yoac mong mi deserima deude,

Mitiyegec 42:11

O ubaongana, ge kucmama mi ambesena, herena ge dewaidzoc mi ambesena. Ni monggoc Anutu eriendzong memibade, imocac ge ye negensima tomai kecna fora fingecbeso. Ye memeficna nga Anutuna.

Mitiyegec 50:1

Anutu Kuctoa mingina, kebu yeng yoac dema bangec kparu wenac ere ereaunac kengkecma wenac keme kemeau wisickeude.

Mitiyegec 51:10

O Anutu, ge herena kongaha gboria meficgenemma asu gboria nga dindingac meficgema herena manau fainenna.

Mitiyegec 73:18

Foracngoc, ge ngic ifia bangec gbafiringau faiyunuma kpetotieyununa kpac andacgecde.

Mitiyegec 83:1

O Anutu, ge mi waickena amma kedzacga mi kpefonggena, o Anutu, ge eng mi tacna.

Mitiyegec 84:11

Nocac kebu Anutu ye wenac nga kaso. Ye wosoefac nga eweheihei anemmema ngicngac dindingac kecandae, yeni faka gombunga ayemmema wiac gombunga mong naric mi segereyemmeude.

Mataio 5:8

Ngicngac ubangina kongaha kecandae, yeni kenecnginagoc, yeni Anutu henggecde.

Ruka 12:32

“Habubisic, ngeni mi ebiribisia. Mangngina ye eucererenga ngemmeudeac negenu ngereede.

Yohane 1:47

Nga Yesungo Natanae henu yearu kenu yofi deec, “Henggec, ngic yomoc israengic fora, yearu ikoc nga faitobang faka mong mi fede.”

Roma 4:16

Abrahang ye ngicngac dedeseriyoac mekecdae, yeneac mangngina. Amma ye ngicngac negen negensing yeac isoc feyemmede, ye ngic ifia, yeneac manggac. Nga Abrahanggac bangecfora sasawa yeni dedzegeac yoac naric megecdeac imoc wosoefacac bageau feu negen negensingnginaac amma megecde.

Tito 3:5

yeng dzuacnunuu Tiri Asungo ua meu fingec fingec gboria fingering. Ye ua gombunga meinggac amma mi mengerenunuec. Ye nenanggac ubamangang negemma mengerenunuu komoc kpeing.

Yakobo 4:8

Anu ngeni Anutuac hoannu kenggec yeng ifingoc ngeneac wegenac haude. Manganameme ngic, ngeni maringina dzuacgec nga ngicngac ubayohocgoc kecdae, ngeni ubaherengina dzuacmengere anggec kpetiac anu.