Mitiyegec 71:22 - Yoak kekehagocac Dzadzahac gboria nga Mitiyegec

²² O Anutuna, ge yoac modac modac Anutu. Ni gitana kpema udumeng gombunga megembade. O, ge Israeac kpetiac ngic, ni gita kpema afeguma

Deduamiti

²² O Anutuna, ge yoac modac modac Anutu. Ni gitana kpema udumeng gombunga megembade. O, ge Isracelac kpetiac ngic, ni gita kpema afeguma

Mitiyegec 71:22 ပူးပေါင်းရင်းမြစ်များ

Mitiyegec 138:2

Ni womongga kpetiacfubigeng ngonducnebade. Geng yoac dedzege amma imoc modacnade amma ge yoac modac modac Kebu, imocac kpac kunenggaac ubangerec dekecbade. Ge kpac kunenggagoc nga geng yoacga deserima denec, ge wiac imoc miacna enu imocngo wiac sasawa feraheude.

Mitiyegec 144:9

O Anutu, ni geac yegec gboria mong heibade. Ni gita witiha teng kpema imocngo udumeng gombunga meficgegembade.

Mitiyegec 25:10

Ngicngac kebuac dzadzahac nga dedekperagiyoac modacandae, yeni kebu hemma yofi negenggecde, ye yoac modac modac Kebu. Amma ye yoac dedzege amma imoc modackefude.

Mitiyegec 33:2

Ngeni kurerengo kebu dengerema gita witiha 10 kpema yeac musi gombunga kpebisia.

Mitiyegec 43:4

Ifi anu ni Anutuac aratau kembade. O, sogac sogaitoaac Anutuna, ni gearu kemma gita kpema dengeregubade. O Anutu, ge Anutuna.

Mitiyegec 56:4

Ni Anutuac yoac dengerema ye negenserikecma kengec mi ambade. Ngic yeneng wiac mong naric mi anenggecde.

Mitiyegec 78:41

Ifi ammima Anutu monggoc nga monggoc faitobannu faima Israeac Kpetiac Ngic heremiac miac ammikecgec.

Mitiyegec 89:1

O kebu, geng yoac dedzege amma imoc modackecnecac nasoya nasoya yegec heigembade. Ge yoac modac modac Kebu, imoc enacbibicnango dekperagiba fingecsahe fekefudesoc, yeneng imoc negendacgecde.

Mitiyegec 89:18

Ngictau ye kasonina nga kebu ye kasonina mingina. Ye Israeac kpetiac ngic amma yeng neneac ngictau, yeac mingina.

Mitiyegec 98:3

Ye Israe habu yenigoc yoac dedzege amma imoc modackecde, ye imoc negenu fekecde nga ye yoara modarudeac faka mong mi nigeckpeec. Anutuninango firang anec, imoc ngicngac bangec tegiau fekendae, yeneng henggec.

Mitiyegec 98:4

Bangecfu ngicngac sasawa, ngeni sogaima kebu dendzerenggema yegec heimibisia. Ngeni dendzerenggema oeha memima yegec heimima kpara heiwayong memibisia.

Mitiyegec 98:5

Ngeni gita kpema kebuac yegec heibisia. Ngeni gita kpegec yegec udumenga gombunga fingecbeso.

Roma 15:8

Ni yofi edengunuduae, Anutungo warac bangecfocnina yenigoc yoac dedzege anec. Nga Kristongo Anutuac yoac fora meseriudeac sebi tosangina herec herecgea yeneac kingang kpekpe anec.