Mitiyegec 68:6 - Yoak kekehagocac Dzadzahac gboria nga Mitiyegec

⁶ Anutungo ngicngac dzengong amagerec meficgeyemmeu tosofocnginagoc kecgecde. Ye witicngic witicamaunac mesiyunuu yeneng mama kecma wiac monggac mi obohogecde. Yoackpekpe ngic yeni ine bangec dzangge dzanggeau kecgecde.

Deduamiti

⁶ Anutungo ngicngac dzengong amagerec meficgeyemmeu tosofocnginagoc kecgecde. Ye witicngic witicamaunac mesiyunuu yeneng mama kecma wiac monggac mi obohogecde. Yoackpekpe ngic yeni ine bangec dzangge dzanggeau kecgecde.

Mitiyegec 68:6 ပူးပေါင်းရင်းမြစ်များ

Mitiyegec 10:14

Anutu, geng sifu ngicngac ebic nga kpendzenggoc kecdae, yenemma ebicngina negensima marigango meficyununadeac negennec. Memangac manganea kecde, ye kekeha gearu waande nga geng beging yeneac memeficngic.

Mitiyegec 107:10

Goa yeni Anutu Engenatoa yeac yoac kpema dederecgeyoara ngadehekecgecac kundung manau kengkpung hakpung anggec witicngo witicyunugec tacandae, ifi isoc tacma kpendzeng kpegec.

Mitiyegec 107:14

kundung dzic imohacnac meyunuu erema witicngina herecgeec.

Mitiyegec 107:34

Ngicngac areng goa yeneng bangecnginau kecma Anutu ngadehema mangana megecdeac ayemmeec. Imocac yeng bangec kerehagoc imoc merenu bangec kisi kondungagoc anec.

Mitiyegec 113:9

Ye ngac kufing amagerec miu ye sabac nonggea amma sogaima kefude. kebu eriendzong memibesonga.

Mitiyegec 146:7

Ngic goa yeneng ngic ogofocngina ebicfu faiyunugec ubaebicgoc kecgec Kebungo sing dindingac modacma isingyunuma yoacngina desiude. Ngicngac herenginaac homegec yeng yaka gumecyunuude. kebungo ngicngac witicamau tacandae, yeni witicngina yungerude.

Mitiyegec 69:33

kebungo ngicngac iwaiac obohokecandae, yeneac nunumu negengkecde, ye ngicngacfora witicamau kecdae, yeni naric mi wayunuude.

Aposoro 16:26

Negengyecmemagec, imohaingoc usoctoa kuhagoc meu witicama kpemindzaheu naguya bic anggedarec amma ngic sasawa witicngina fotockedarec.

Garata 4:27

Nga yoac yofi oho ohoya fede, “Ngac kufing sabacga kpac, ge sogac sogaigoc kecna. Nga ngac gadze mong mi giec, ge kucgoc sogaima arohona. Ngac kosic yeac nambaracfora homac, kpetenginango ngac eweagoc yeac nambaracfora kpetengina feraheude.” (Yesaia 54:1)