Mitiyegec 64:4 - Yoak kekehagocac Dzadzahac gboria nga Mitiyegec

⁴ Yeni sufuma fema ngic kopocsic mong mi meficgeec, ye wedecandae. Yeni kengecngina kpac kecma bic yombong wedecgecde.

Deduamiti

⁴ Yeni sufuma fema ngic kopocsic mong mi meficgeec, ye wedecandae. Yeni kengecngina kpac kecma bic yombong wedecgecde.

Mitiyegec 64:4 ပူးပေါင်းရင်းမြစ်များ

Mitiyegec 11:2

Negenna, ngic Anutu ngadehema mangana megecdeac ayemmeande, yeni ngic goa herenginau ikoc nga hamangec mong mi fede, yenemma tebemedahango wedecyunugecdeac negemma kundunnu namma gurutu taima kpesaigecde.

Mitiyegec 55:19

Anutungo ngictau tatahau bicngoc tarec amma nasosoc tarude. Ngic imoc, yeni ine ubangina naric mi dzigeneude. Yeni Anutu kengec nga eweheiheigoc naric mi hoanggegecde. Imocac ye neac kiac negemma kpendzennu faiyunuude. Selac

Mitiyegec 55:22

Ge ebic sasawa tofohonec, imoc kebu wamina yeng ebic imoc tofohodacma meserigubeso. Ye ngic dindingac garenggema kpae heimiu wiac mongngo ye meu goroc goroc naric mi anude.

Mitiyegec 57:5

O Anutu, afegugec imocngo kurumenga kurumenga ferahema embeso. Ge kucga nga kibikperagiaga bangecfu faina mau bangectoa bangec sokoma fedacbeso.

Mitiyegec 64:7

Ifi ammagec Anutungo tebea yenearu kpesaima wedecyunuu yeni bic yombong kubecnginagoc amma mayunuude.

Yohane 19:6

Ifi deu womong gareng enara nga keracnatang yeneng ye hemma kpacgec, “Mariponnu kpegec, mariponnu kpegec!” ifi degec Piratongo deec, “Ni yeac kopocsic mong mi meficgeduaeac amma ngenaoc wangecma kemma mariponnu kpegec.”