Mitiyegec 62:3 - Yoak kekehagocac Dzadzahac gboria nga Mitiyegec

³ Ngeni ngic kuha kpac ngabaac siricfu kpekecdae, imoc wisickebeso. Ngeni sasawango ye kpema bangecfu ukuyombonggebeso andae. Ye oda kuha kpac nga odabisic dzame dzamea isoc nanu ngeni ye memanganegec todinggema makpeudeac negemma kpekecdae.

Deduamiti

³ Ngeni ngic kuha kpac ngabaac siricfu kpekecdae, imoc wisickebeso. Ngeni sasawango ye kpema bangecfu ukuyombonggebeso andae. Ye oda kuha kpac nga odabisic dzame dzamea isoc nanu ngeni ye memanganegec todinggema makpeudeac negemma kpekecdae.

Mitiyegec 62:3 ပူးပေါင်းရင်းမြစ်များ

Mitiyegec 140:2

Yeni herenginau yarefaka hania hania arenggema nasosoc dzikac kpegecdeac sing meficgekecdae.

Mitiyegec 82:2

yofi dede, “Fakangina yomoc mi ngereede, ngeni sing dindingac wama ngic yoacngina desiandae. Ngeni monde monde angandae nga ngic Anutu ngadehema mangana megecdeac ayemmeude, ngeni yeni meficyunukecdae nga fakangina imoc mi wisickede, kpac.” Selac

Mitiyegec 38:12

Ngic kpebucnubeso ayemmede, yeneng botac faima kpetotienugecdeac yoac dedae. Yeni asoacnac kemma marai ikocfu faitobang anenggecdeac arenga faikecdae.

Mitiyegec 21:11

Yeni mangana arenggema gubeso amma ge tobanggugecdeac sing mengeregecdeu uangina imoc naric mi fingerude.

Mitiyegec 4:2

Ngicac medacfora, ngeni neac eweheihei kekec heimeremma desofoc anengandae, imoc naso dafiguc angkecgecde? Ngeni yoac sicsauc foraya kpac, imocac songo negemma ikocac sing meficgegecdeac ua meandae, ngeni imoc naso dafiguc angkecgecde?

Mataio 17:17

Ifi deu Yesungo yofi deec, “Ngicngac areng yomoc ngeni negen negensingngina kpac yombong amma ngeni fakangina sicsauha. Ni naso herea ngenigoc monggoc tacbadeac modzona tide. Ngeni medac nearu mehagec.”

Mitiyegec 16:8

Ni nasosoc kicna kebuaru fikecduae. Yeng marifoinau kecdeac wiac mongngo menuu goroc goroc naric mi ambade.

Mitiyegec 18:3

kebu eriendzong memini ngereeyombonggede. Ni ye kpacba yeng ngabafocna yeneac witicfunac mesinuude.

Mitiyegec 125:1

Ngicngac kebu negenserima kecdimbe, nenang Siong tiki isoc. Wiac mongngo meu goroc goroc mi amma nasoya nasoya nangkefude.

Aposoro 24:9

Yoac ifi deu yudangic yeni meficgema yoara nanggegec.