Mitiyegec 56:2 - Yoak kekehagocac Dzadzahac gboria nga Mitiyegec

² O Kebu Engenatoa, ngabafocna yeni asoacnac kemma marai enacfu faifai amma sebingina meemma mematiti anemma ngaba anengkecdae.

Deduamiti

² O Kebu Engenatoa, ngabafocna yeni asoacnac kemma marai enacfu faifai amma sebingina meemma mematiti anemma ngaba anengkecdae.

Mitiyegec 56:2 ပူးပေါင်းရင်းမြစ်များ

Mitiyegec 3:1

O kebu, ngic ngabafocna yeni homac yombong nga ngic homacngo yacma nubeso andae.

Mitiyegec 35:1

O kebu, ngic yoackpekpe anendae, yeni yoakpekpe ayemmebesena. Nga ngic nigoc eweandae, yenigoc ewema yunubesena.

Mitiyegec 41:5

Ngabafocna yeneng neac yoac mangana dema yofi deandae, “Ye homeu kpara kpac ambeso.”

Mitiyegec 54:5

Ngic neac ngabayoac degec yeng ngadeyoacngina merenu yeni imocac ebic meficgegecde. Kebu, ge yoac modac modac Anutu, imocac memanganeyununa kpac ambisia.

Mitiyegec 57:3

Ye memefiha kurumennunac sueu imocngo ebicfunac mesinuude amma ngic mematiti anenggec imoc yenemma game kpekpeu faiyunude. Anutungo yoac dedzege amma imoc modackecde nga ye yoac modac modac Kebu amma faka imoc faiu hanemmeude. Selac

Mitiyegec 9:2

Ni ubangerec negemma geac amma sogaibade. O Kuctoa mingina, ni geac kpac kuneng heiwayong memima yegec heibade.

Mitiyegec 91:1

Anutu Engenatoango ngic mong garenggema mesufuu yeng Kuctoa minginaac debannu kecnegeng kecande,

Mitiyegec 92:1

O kebu, ge Engenatoa. Ni ubangerec negemma geac kpac kuneng heiwayong memima yegec heigemba, faka imocngo ngereede.

Mitiyegec 92:8

O kebu, gennoc engenatoa nga ge nasoya nasoya ifi kechereema kecbesannec.

Mitiyegec 93:4

kebu wi kecde, ye damu damuyagoc. Ye doku dundung yeneac udumeng ferahama kondung siri yeneac kuc ifingoc ferahade.

Yohaneac kpefing 16:14

Asu imoc yeni hadehade mangana yombong amma negensinggegecdeac faka kuhagoc meandae. Nga yeneng bangec sasawaac ngictau Anutu kuctoa mingina, yeac uamemetoa, naso imocac dzikacfu kpedzucyunudacgecac yenearu kenggecde.