Mitiyegec 53:3 - Yoak kekehagocac Dzadzahac gboria nga Mitiyegec

³ Yeni sasawango ine faka gombunga ngadehedacma fakangina manganedaru yenearunac mongngo mong faka gombunga mi angande, mocdong kpac.

Deduamiti

³ Yeni sasawango ine faka gombunga ngadehedacma fakangina manganedaru yenearunac mongngo mong faka gombunga mi angande, mocdong kpac.

Mitiyegec 53:3 ပူးပေါင်းရင်းမြစ်များ

Mitiyegec 14:3

Nga yeni ine sasawango ngade ngade monggoc kemedacma fakangina heimeremma manganedacgec. Ngic mongnga mong faka gombunga mi angkecde, mocdong kpac yombong.

Roma 3:12

Yeni sasawango Anutuac sing ngadehedacma yenahafoc manganegec, mongngonec angammeme gombunga mi angkecde, imoc kpac yombong.” (Mitiyegec 14:1-3, 53:1-3; Miti dedengic 7:20)

2 Korinti 7:1

Songo tosofocna, Anutungo botucninau kefudeac deseriec, imocac nenang wiac sasawa ongaasunina nga ubasebinina heidzadzu kpekecde, imoc dzuacmengere amma kongaha ambisina. Amma Anutu eweheiheigoc hoanggekecma kpetiac kekec kecnideac ua hanaheing, imoc mesidacma yadiseri ambisina.

1 Yohane 2:29

Yesu ye kongaha, ngeni ifi negengandaeu ngic mong ye faka dindingac mekecde, yeac ifingoc negemma yofi negenggecde, ngic imocngo Kebuarunac fingec fingera.

3 Yohane 1:11

Songo tosona, geng ine faka mangana ifia mi modacbesena, kpac. Ge faka gombunga modacbesena. Nga ngic mong ye faka gombunga angkecde, yeng Anutuarunac nga faka mangana angkecde, ye ine Anutu mong mi henec.

Yohaneac kpefing 22:11

Mong ye faka dindingac mi angande, ye faka imocngoc mekecbeso. Nga wonongagoc kecde, ye ifingoc kecbeso. Nga faka dindingac angkecde, ye dindingacngoc kecbeso. Amma kpetiac kecde, ye kpetiac kekecfu yadiseriudeac ua mekecbeso.”