Mitiyegec 51:1 - Yoak kekehagocac Dzadzahac gboria nga Mitiyegec

¹ O Anutu, geng yoac dedzege amma imoc modackecnecac neac ubaga manganeu. Geac wosoefac imoc efea kpac, imocac neng singyoac kpema kopocsic meficgeai, imoc dzuacdacna kpac ambeso.

Deduamiti

¹ O Anutu, geng yoac dedzege amma imoc modackecnecac neac ubaga manganeu. Geac wosoefac imoc efea kpac, imocac neng singyoac kpema kopocsic meficgeai, imoc dzuacdacna kpac ambeso.

Mitiyegec 51:1 ပူးပေါင်းရင်းမြစ်များ

Mitiyegec 106:45

Ye warac dzadzahac yenigoc meec, imoc yeneac amma negenu feec. Yeng yoac dedzege amma imoc modackecde, imocngo efea kpac femideac amma yeneac ubamangang negengkefec.

Mitiyegec 106:7

Esangabofocnina yeni Aigita bangecfu kecma geac kuc fakaga bibiagoc hengwa anggec. Geng yoac dedzege amma imoc modacnade, imoc wiac engena. Yeneng ine imoc nigecyunuu kondung sacsac tegiau kecma Anutu Engenatoaac yoac kpegec

Mitiyegec 109:21

O kebu Anutuna, ge kpac kunenggac amma yoacna dema nanggenuna. Geng yoac dedzege amma imoc modackecnec, imoc fedeac ebicfunac mesinuna.

Mitiyegec 119:124

Geng yoac dedzege amma imoc modackecnec. Ge ni, kingang ngicga gombunga anemma singyoacga kpounenna.

Mitiyegec 145:9

kebungo ngicngac sasawa gombunga anemmema marikibifora neneac ubamangang anemmeude.

Mitiyegec 4:1

O Anutu, ge dindingac kekecna, ni kpacguba ge kpakpacna negemma turunga merennenna. Ebicfu ubaebic meficgeba geng titing meficgenenna kekecna ngereeu naric kefai. Ge wosoefac anemma nunumuna negenna.

Mitiyegec 40:11

O kebu, ge ubamangangga mi dzegenenna. Geng yoac dedzege amma imoc modackecnec amma ge yoac modac modac Kebu. Geac fakaga imocngo hoannuma nasosoc onggonnubeso.

Mitiyegec 5:7

Geng yoac dedzege amma imoc modackecnec. Imocac ni amagau erema kicna kpetiac womonggau fima eweheiheigoc fafoc heigemma numugembade.

Mitiyegec 51:9

Ge kopocsicna imohacnac kicga mesufubesena amma ni ngic ogofocna memanganeyunudarai, imoc dzuacdacna kpac ambeso.

Mitiyegec 69:13

O kebu, ni sifu gearu numuduae. O Anutu, geng yoac dedzege amma imoc modackecnec, imocngo mi kpac anudeac amma nasoya hau geng turunga merennembesena. Yoac modac modac Anutu, ge meficnubesena.

Mitiyegec 69:16

O kebu, geng yoac dedzege amma imoc modackecnec, imoc gombunga yombong nga ge wosoefacga efea kpac, imocac kicmesuga nearu monggoc merenna.

Mitiyegec 77:9

“Anutungo wosoefac anemmeande, imocac nigeckpeec nga ubamangang anemmeande, fakaya imoc ngaba amma kpae heimiec, ifi isoc ande.” Selac

Aposoro 3:19

Imocac ngeni kopocsicngina kpac anudeac ubangina dzigeneu Anutu hoanggebisia.

Kolosai 2:14

Kopocsicac kibi mong oho ohoya feec, imocngo manganangina heficgenemmeec nga Kristongo kibi imocnoc biringngo mariponnu kpeu nanec. Ye ifi anu yoac kibiu oho ohoya feec, imoc meickema dzuacdarec.