Mitiyegec 5:7 - Yoak kekehagocac Dzadzahac gboria nga Mitiyegec

⁷ Geng yoac dedzege amma imoc modackecnec. Imocac ni amagau erema kicna kpetiac womonggau fima eweheiheigoc fafoc heigemma numugembade.

Deduamiti

⁷ Geng yoac dedzege amma imoc modackecnec. Imocac ni amagau erema kicna kpetiac womonggau fima eweheiheigoc fafoc heigemma numugembade.

Mitiyegec 5:7 ပူးပေါင်းရင်းမြစ်များ

Mitiyegec 101:7

Ngic mong ye faitobang amma ngicngac ikocfu faiyunuande, yeng neac amau mi kecbeso. Nga ngic mong ikocyoac deande, yeng neac hoannu naric mi kefude.

Mitiyegec 130:4

Nga gearu sifu kopocsic wawa fedeac eweheiheigoc hoanggubesonga.

Mitiyegec 132:7

“Hagec kebuac amau kenni, nenang yeac hanitatahau fafoc heimima numumini.

Mitiyegec 138:2

Ni womongga kpetiacfubigeng ngonducnebade. Geng yoac dedzege amma imoc modacnade amma ge yoac modac modac Kebu, imocac kpac kunenggaac ubangerec dekecbade. Ge kpac kunenggagoc nga geng yoacga deserima denec, ge wiac imoc miacna enu imocngo wiac sasawa feraheude.

Mitiyegec 28:2

Ni kpesi kpesi gearu hama kiacba ge ubaudumenna negenna. Ni kicna kpetiac womonggaugeng fima marina miacba geng meficnunadeac numubade.

Mitiyegec 34:17

Ngicngac dindingac yeni kebungo meficyunuudeac kiacgec yeng kiacngina negemma ebicfunac mesiyunudarude.

Mitiyegec 51:1

O Anutu, geng yoac dedzege amma imoc modackecnecac neac ubaga manganeu. Geac wosoefac imoc efea kpac, imocac neng singyoac kpema kopocsic meficgeai, imoc dzuacdacna kpac ambeso.

Mitiyegec 52:8

Anu oriwa icngo sabayagoc nangande, ni ifi isoc Anutuac amau namba Anutungo yoac dedzege amma imoc modackecde, ni nasoya nasoya wiac imoc negenserikecduae.

Mitiyegec 55:16

Anu ni sifu Anutu kpacba kebungo ebicfunac mesinuude.

Mitiyegec 69:13

O kebu, ni sifu gearu numuduae. O Anutu, geng yoac dedzege amma imoc modackecnec, imocngo mi kpac anudeac amma nasoya hau geng turunga merennembesena. Yoac modac modac Anutu, ge meficnubesena.

Mitiyegec 69:16

O kebu, geng yoac dedzege amma imoc modackecnec, imoc gombunga yombong nga ge wosoefacga efea kpac, imocac kicmesuga nearu monggoc merenna.

Aposoro 9:31

Anu kpebung Yudaia nga Gariraia amma Samaria bangecfu kecgec, yenearu ruae fingerec. Fingeru ruaegoc kecma kpetengina kuneng amma sahema Kebu eweheimima ubango hoanggema afehegec. Anu Tiri Asungo ubaebicngina meickeec.

Hebiraio 4:16

Imocac nenang kengec nga negengyohoa kpac kecma Anutuac danggunucac ngictau tatacac wegenac kembisina. Ifi anu memefic naso yombong hau yeac wosoefac meficgeni yeng danggunuha nemmema meficnunuude.