Mitiyegec 40:2 - Yoak kekehagocac Dzadzahac gboria nga Mitiyegec

² Ye kpetotiekekecac tennunac kpedzinuma goteng yohoctaunac tainuma hoc peperandzi seria witiau fainuu namba hanina meseriu tiseriduae.

Deduamiti

² Ye kpetotiekekecac tennunac kpedzinuma goteng yohoctaunac tainuma hoc peperandzi seria witiau fainuu namba hanina meseriu tiseriduae.

Mitiyegec 40:2 ပူးပေါင်းရင်းမြစ်များ

Mitiyegec 116:3

Homecac witicngo dedecnuu homec amaac kengec amma ubaebicngo mendannuu ni ubaebic nga kengecgoc kecma

Mitiyegec 119:133

Faka manganango kekecna garenggeu ngicngac ogofocna memanganeyunubaiac singtitina meserina. Ge yoac deserima denec, imoc modacbesare.

Mitiyegec 143:3

Ngabangicnango kporacnuma kekecna bangecfu kpefahau ni kundung manau homecngic bic homegec, yeni isoc tacbadeac fainuec.

Mitiyegec 17:5

Ni serima geac sinnu tima kengha amma hanina mong mi tiposockeec.

Mitiyegec 18:36

Ni tiserima nambadeac geng tumiatoa meficgenenna haninango mong mi tiposockeec.

Mitiyegec 18:7

Yeng ngaba anecac bangecngo kockpac amma kpemindzaheu usoc meu tikiac titiseri yeni dendeng kpegec.

Mitiyegec 27:5

Ye ebicnasou yengena oda manau onggonnuude. Ye kporucbedzoyau mesufunuma wi hoc peperandzi seriau fainuu gombunga kecbade.

Mitiyegec 37:23

kebungo ngic monggac singgac negenu ngereeudeu ye yeac kenghaya meseriu sing titia seria anude.

Mitiyegec 61:2

Ni bangectoa bangec tegiau namba woubocna kucmama anu kpacguduae. Ge hesicnuna hoc peperandzi herea mong feracnude, imohai kemma nambisira.

Mitiyegec 69:2

Ni goteng dzohonnu kemebeso anduae, imohai titiseriac wiac mong mi fede. Ni doku dzohong kunennu kemeba doku tunggbaungngo semenuu

Mitiyegec 71:20

Geng negemmana ebic nga wiac mangana homac fingecnenu henai nga gennoc megborinuma kekec monggoc nennade. Ge bangec keme kemeaunac monggoc hesicnuna erebade.

Mitiyegec 86:13

Geng yoac dedzege amma imoc modackecnec, ge imoc anenna wiac engena ande. Kekecnango emu homec amau feu gennoc kekecna imohacnac mesina ereec.

Mataio 13:50

gerectoau ukuyunugec kemegecde. Kemema yeni ihai kiacma enacngina kisaranggema kecgecde.”

Aposoro 2:24

Anu homecngo ye naric mi segereec. Imocac Anutungo homecac kpendzennunac megboriu yarec.