Mitiyegec 4:1 - Yoak kekehagocac Dzadzahac gboria nga Mitiyegec

¹ O Anutu, ge dindingac kekecna, ni kpacguba ge kpakpacna negemma turunga merennenna. Ebicfu ubaebic meficgeba geng titing meficgenenna kekecna ngereeu naric kefai. Ge wosoefac anemma nunumuna negenna.

Deduamiti

¹ O Anutu, ge neac dindingac kekecna, ni kpacguba ge kpakpacna negemma turunga merennenna. Ebicfu ubaebic meficgeba geng titing meficgenenna kekecna ngereeu naric kefai. Ge wosoefac anemma nunumuna negenna.

Mitiyegec 4:1 ပူးပေါင်းရင်းမြစ်များ

Mitiyegec 11:7

kebu ye dindingac amma ye faka dindingac songea negende. Nga ngicngac uba kongaha amma ikoc nga hamangecngina kpac kecdae, yeneng yeac kicmesu henggecde.

Mitiyegec 116:16

O kebu, ni geac kingang ngicga amma uangacgaac medac. Gennoc witicfunac mesinunec.

Mitiyegec 116:6

Ngicngac negen negengtoangina kpac kecgec kebungo yeni onggongyunuude. Ni memeficac obohobare yeng ebicfunac mesinuec.

Mitiyegec 119:132

Ngicngac geac kpac kunenggaac songo negengandae, ge neneac anggengandeac nearugeng dzigenema neac ubaga manganeu.

Mitiyegec 143:2

Ngic mong kekehagoc ye geac kicfu dindingac naric mi kecde. Nga ni kingang ngicga anduaeac yoacfu mi fainubesena.

Mitiyegec 17:6

O Anutu, geng nunumunaac turunga merennennadeac kpacguduae. Ge kedzacga nearu faima yoacna negenna.

Mitiyegec 22:1

Anutuna, Anutuna, ge ngadenuma wanudang, imoc naric mi ande. Ge neac hereau yombong kecma ebicfunac mi mesinunec, imoc mi ngereede. Ni asoring anenu kiacba ge nocac hereau namma yoacna mi negennec, ifi isoc ande.

Mitiyegec 24:5

ye ifi kecmanu kebungo ye keneheu Anutu ebicfunac mesimesi minginango ye ngic dindingac demiude.

Mitiyegec 25:16

kebu, ni tembucna amma ebicgoc kecduaeac neacnec wosoefac anemma dzigenema nearu monggoc hana.

Mitiyegec 31:8

Ge ngabafocna yeneac mariu mi fainuma sawea homac meficgenenna haninango naric tima nambade.

Mitiyegec 41:12

Ni dindingac kecma kopocsic mong mi meficgeaiac geng nanggenuma geac hoannu fainuna ni imohai nasosoc kecbade.

Mitiyegec 42:1

Kate burumakabisicngo dokuac ammiu doku hofocande, ubaonganango ifi isoc Anutu ge hofocgude.

Mitiyegec 45:1

Yoac gombunga gombungango herena wakeu ni ngictauac yegec yofi heibade. Nedzarannango kibi oho ohongic gombunga yeac pen isoc ande.

Mitiyegec 56:1

O Anutu, ngicngac yeneng ni mematiti anendae nga ngabafocna yeneng asoacnac kemma marai ebicfu fainugec ubaebicgoc kecduae. Ge imocac neac ubaga manganeu.

Mitiyegec 57:1

O Anutu, ge neac ubaga manganeu. Ubaonganagoc geac hoannu sufuduaeac amma ge neac ubamangang negenna. Ni geac kpeganggaac debannu sufuma kecbare kiafirang mangana kpac andacbeso.

Mitiyegec 6:1

kebu ge ngaba amma ngabasiricfu yoac mi anenna amma herega buu numeme mi anenna.

Mitiyegec 67:1

Anutungo wosoefac anemmema kenecnunuma kicmesuyango nerarannunubeso. Selac

Mitiyegec 76:1

Yuda bangecfu Anutu negengkecdae nga Israe bangecfu yeac kpac kuneng heiwayong memigecde.

1 Korinti 1:30

Anutungo negengngemmeecac ngeni Yesu Kristogoc kpeketahema kecdae. Yeng Yesu sueu Anutuac negen negentegec botucninau mehaec. Mehau nenang Anutuac kicfu dindingac nga kpetiac annideac yeng kopocsicac witicfunac mesinunuec.

2 Korinti 1:10

Yeng homecac arennunac mesinunuec amma ye ngade ifingoc homecac arennunac mesinunuude amma mesinunubesande, neni yeac ifi negensinggema kecdimbe.

2 Korinti 1:8

Tosofocnina, Asia bangecfu nenearu ebic fingeru kpendzeng kpeing, ngeni imoc mi obohogecdeac negemma yomoc edengunudimbe. Ebictoango memanunuma kucnina kpeu ubahereninau yofi negening, “Nenang homecac areng andimbe.”