Mitiyegec 32:11 - Yoak kekehagocac Dzadzahac gboria nga Mitiyegec

¹¹ O ngicngac dindingac, ngeni sasawango sogaima kebu dengerebisia. Ngicwiac herenginau ikoc nga hamangec mong mi fede, ngeni sasawango sogaima dendzerenggema arohobisia.

Deduamiti

¹¹ O ngicngac dindingac, ngeni sasawango sogaima Kebu dengerebisia. Ngicwiac herenginau ikoc nga hamangec mong mi fede, ngeni sasawango sogaima dendzerenggema arohobisia.

Mitiyegec 32:11 ပူးပေါင်းရင်းမြစ်များ

Mitiyegec 125:4

O kebu, ngicngac gombunga nga herenginau ikoc nga hamangec mong mi fede, geng yeni faka gombunga ayemmena.

Mitiyegec 32:2

Ngic mong ye ngicngac ogofora memanganeyunuu kebungo kopocsiha wau kpac andac deande nga ngic mong ye asuyau ikoc mong mi fede, ngic imoc ye kenehagoc.

Mitiyegec 33:1

O ngicngac dindingac, ngeni kebuac amma sogaibisia. Ngicngac ngeni ikoc nga hamangecngina kpac kecdae, ngeni ye eriendzong memigec ngereede.

Mitiyegec 5:11

Ngicngac hoanggau hama sufuma kecdae, yeni sogac sogai meficgeyemmema ubangerec ayemmena nasosoc ubangerecac yegec heikecma sogac sogaigoc kecbisia. Geng orongyunuma onggongyununa. Ge ifi anna ngicngac yeneng kpacgaac songo negemma geac negenggec engena anu sogaigecde.

Mitiyegec 64:10

Anu ngic dindingac yeni kebungo faka meecac sogaima yeac hoannu hama sufuma kecbisia. Ngicngac uba kongaha kecandae amma herenginau ikoc nga hamangec mong mi fede, yeni Kebuac negenggec wiac engena ambeso.

Mitiyegec 68:3

Anu ngicngac dindingac, ngeni ubangerec negemma Anutuac kicfu sogaima kecbisia. Ngeni ubangerec homac yombong negemma sogaibisia.

Mitiyegec 7:10

Anutu Kuctoa mingina, ye neac kasona. Yeng ngicngac hereninau ikoc nga hamangec mong mi fede, nenang ebicfunac mesinunuude.

Mitiyegec 97:1

kebu ye ngictauac kuc minginango bangectoa bangec garenggema kecde. Imocac bangecngo sogaibeso nga kondung tegiau bangec fekendae, yeni ubangerecgoc kecbisia.

Mitiyegec 97:12

Ngicngac dindingac ngeni kebuac sogac sogaigoc kecma yeac kpara kpetiac yaiyo kpemibisia.

Mitiyegec 98:4

Bangecfu ngicngac sasawa, ngeni sogaima kebu dendzerenggema yegec heimibisia. Ngeni dendzerenggema oeha memima yegec heimima kpara heiwayong memibisia.

Roma 5:11

Amma imocsac kpac, Kebunina Yesu Kristongo kopocsicnina meickema Anutugoc ruae meficgenemmeu nenang yofinenggac Anutuac negenni wiac engena anu sogaima kecdimbe.

Firipi 3:1

Yofi torokpema deduae. Tosofocna, ngeni Kebuaru kpeketahema sogac sogaigoc kecbisia. Ni yoac warac ohongemmeai imoc monggoc ohongemmebadeac modzona mi tide, kpac. Imocngo kasongina anude.

Firipi 3:3

Anutuac Asungo faka nenearu meu Anutuac ua mekecdimbe, nenannoc sebi tosa herec herecgea areng andimbe. Neni Yesu Kristoac negenni engena ande amma negen negensinnina nenannu mong mi fainide.

Firipi 4:4

Ngeni nasosoc Kebuaru kpeketahema kecma sogac sogaigoc kecbisia, monggoc deduae, ngeni sogac sogaigoc kecbisia.