Mitiyegec 32:10 - Yoak kekehagocac Dzadzahac gboria nga Mitiyegec

¹⁰ Ngicngac Anutu ngadehema mangana megecdeac ayemmeande, yeni ebic homac meficgema mayunuude. Nga ngicngac yeni kebu negenserima kecgec kebungo yoac dedzege amma imoc modarude. Nga yeac faka imocngo orongyunuude.

Deduamiti

¹⁰ Ngicngac Anutu ngadehema mangana megecdeac ayemmeande, yeni ebic homac meficgema mayunuude. Nga ngicngac yeni Kebu negenserima kecgec Kebungo yoac dedzege amma imoc modarude. Nga yeac faka imocngo orongyunuude.

Mitiyegec 32:10 ပူးပေါင်းရင်းမြစ်များ

Mitiyegec 11:6

Ngicngac Anutu ngadehema mangana megecdeac ayemmeande, yeng yeneac witiu hoc gerec dzedzeagoc nga sarafa gerec borangagoc kpakeu yenereude. Yenereu firang gerea yenereu imocngo pakenginau kpakegec yenanggac wiac anu yeni ebic imoc pakeunac isoc negecde.

Mitiyegec 140:11

Ngic ngadeyoac deande, ye bangecfu titiseria faibacac geng imoc kpetarimina. Faka mangana yengenaoc yarengic bic yombong kisamma firang amma ye meickebeso.

Mitiyegec 146:5

Yakoboac Anutungo ngic monggac memeficngic anude, imohai ngic imocngo kenehagoc anude. Ngic mong ye kebu Anutu negensima fora fingerudeac tomai kecande, ye kenehagoc.

Mitiyegec 147:11

Ngicngac ye eweheiheigoc hoangeandae, yeng yenemma nengenu ngereeude. Yeng yoac dedzege amma imoc modarude. Nga ngicngac yeneng imocac negensima fora fingerudeac tomai kecandae, ye yeneac negenu ngereeu sogaiude.

Mitiyegec 16:4

Ngicngac nemuonga meisinggema hoanggeandae, yeni ine ubahodung kekecnginau kpedzigec hama ebicngina monggoc nga monggoc anude. Ni yeneac sese dema sac naric mi hetinggebade nga kpacngina enacbibicnango naric mi kpacbade.

Mitiyegec 2:12

Medac ye herebu bic angkecde. Yeng ngaba angemmeu ngeni sinnu manganema kpac ambauac haniau ngonducnema titikokoc ammibisia. Ngicngac yeac hoannu sufuma kecdae, yeni kenecnginagoc.

Mitiyegec 34:8

kebu gombunga, ngeni imocnoc nehemma kicnginango hembisia. Ngic mong ye yeac hoannu kemma sufuma kecande, ye sogac sogaigoc kefude.

Mitiyegec 40:4

Ngic mong ye kebu negenseriande, ye kenehagoc. Yeng ngic yenanggac negenggec wiac engena angkecde, yeneac hoannu mi kemma yenigoc naric mi kefude. Ye sing mi segeude, nga ye ngic nemu ikoha modacandae, yenearu naric mi kenude.

Mitiyegec 5:12

kebu, geng ngic dindingac kenehema gombunga ammina imocngo mariku isoc kasoya anude.

Mitiyegec 84:12

O kebu, kurumenggac wasaiareng kunengngina, ngic mongngo negenseriguma kecande, yennoc kenehagoc.

1 Timoteo 6:10

Imoc yofiac, hiedzoac songo negen negeng, imocngo mangana sasawaac hania. Ngicngac goa yeni hiedzoac songo kuneng mekecdae, imocngo negen negensingnginau wangecyunuu kemma hereebic kuneng meficgeyemmeude.