Mitiyegec 30:1 - Yoak kekehagocac Dzadzahac gboria nga Mitiyegec

¹ kebu ge keme kemeaunac tainuna ereduaac afegubade. Geng ngabafocna kpae heiyemmena yeneng neac amma ubangerec mi meficgebisia.

Deduamiti

¹ Kebu ge keme kemeaunac tainuna ereduaac afegubade. Geng ngabafocna kpae heiyemmena yeneng neac amma ubangerec mi meficgebisia.

Mitiyegec 30:1 ပူးပေါင်းရင်းမြစ်များ

Mitiyegec 13:4

Nocac ngabangicnango yofi debacac, “Ni firang bic andua.” ifi deu ni goroc goroc amma manubeso anu ye imocac sogaibacac meficnuna.

Mitiyegec 140:8

O kebu, ngic Anutu ngadehema mangana mebeso ayemmeande, yeni yenanggac negenggec wiac engena ambaac songongina modacma wiac mong mi meficgeyemmebesena. Yeni yarefaka arenggekecdae, imoc fora mi fingecbeso. Selac

Mitiyegec 145:1

Anutu nga kebuna, ni afeguma geac kpac kuneng nasoya nasoya kenehekecbade.

Mitiyegec 25:2

O Anutuna, ni negenseriguma kecduae. Ngic yeneng game kpekpeu fainubauac geng kpae heiyemmebesena. Ngabafocna yeneng ebicnaac sogaima dedzomoc anembauac kpae heiyemmebesena.

Mitiyegec 27:6

Ye orucna miaru ngabafocna oronnudae, yeni feracyunuma wi namma yenembade. Ni sogaima ubangerec negemma Anutu womongau sese faimima sogac sogaiac yegec heima kebu yaiyo kpemibade.

Mitiyegec 28:9

O, ge ngicngacfocga ebicfunac mesiyununa amma maridzoming ngicngacfocga andae, yeni kenecyunuma yenenggareng ayemmema nasoya nasoya tofohoyunubesena.

Mitiyegec 35:19

Anu ngabafocna yeneng hania kpacfu ngaba anemma dedzomoc anembauac kpae heiyemmebesena. Yeni hania kpacfu neac modzongina tiu ebic imocac ubangerec negemma kicparac kpounembauac kpae heiyemmebesena.

Mitiyegec 41:11

Ngabafocna yeni firang amma mi memanugec, imocac yofi negenduae, ge neac negenna ngereede.

Mitiyegec 66:17

Enacbibicnango ye kunengngoc kpacba nedzarannango ye bic afeheec.

Mitiyegec 79:10

Bangec monnunac ngicngac Anutu mi negemmidae, yeneng yofi debau, “Ngeni Anutungina mong mi hendimbe, kpac.” yeni ifi degec negemba naric mi ande. Ngic yeneng kingang ngicngacfocga sacngina kpakegec, imocac turunga bangec monnunac ngicngac yenearu kpouyemmena neni kicninango hemma nambisina.

Mitiyegec 79:4

Ngicngac nenigoc wegenac kecandae nga oronnunuma kecdae, yeneng deendema anemmema dzomorenemmedae.