Mitiyegec 3:7 - Yoak kekehagocac Dzadzahac gboria nga Mitiyegec

⁷ O kebu, ge hama ebicfunac mesinuna. Anutuna, ge ngabafocna ngebacngina kpedzamema manganameme enacngina kpemoronggena mabeso.

Deduamiti

⁷ O Kebu, ge hama ebicfunac mesinuna. Anutuna, ge ngabafocna ngebacngina kpedzamema manganameme enacngina kpemoronggena mabeso.

Mitiyegec 3:7 ပူးပေါင်းရင်းမြစ်များ

Mitiyegec 10:12

O kebu, ge yacna. Anutu, ge mariga miacna enu. Ngic goa yeneng ngic ogofocngina ebic meficgeyemmegec ebicgoc kecandae, ge yeneac mi nigecgubeso.

Mitiyegec 12:5

Ifi degec kebungo ine yoac yofi dede, “Yeni makpekpea memayunuma memanganeyunuandae. Nga ngicngac yeni ebic witiau kecma asoringa ayemmede, imocac yaguc yacma onggongyunubade. Yeni sufu sufuu ruaegoc tacgecdeac ayemmeu neng meyunuma hoannau faiyunubade.”

Mitiyegec 27:3

Wasai ngic habutoagoc hama nugecdeac bedzongina mema oronnugecdeu ni naric mi kengecnuude. Yeni nugecdeac dzikac kpegecdeu ni negengyohocna kpac kecma seria nambade.

Mitiyegec 35:23

O Anutu, ge neac Kebu. Ge yacma kockpac amma yoacna nanggema meseribesena.

Mitiyegec 44:23

O Kebu, ge gauunac yacma negenggborina. Ge naso wisic wisickea kpac mi wanunuma kecbesena.

Mitiyegec 58:6

O Anutu, geng enacsicngina dumbengnginaunac kpedzamena. O kebu, geng raiong gboria baicngina kpetackema meickena.

Mitiyegec 59:5

O kebu, Anutu kurumenggac wasaiareng kunengngina, ge Israe neneac Anutu. Ge gauunac yacma bangec monnunac ngicngac mi negenggudae, yeni sasawa kopocsicnginaac amma turunga kpouyemmena. Ngic ikocngina mesufuma yarefaka arengandae, yeni mi onggongyunubesena. Selac

Mitiyegec 6:4

O kebu, ge dzigene hama kekecna ebicfunac mesina. Ge yoac dedzege amma imoc modackecnecac ebicfunac mesinuna.

Mitiyegec 7:6

O kebu, ge ngaba amma yacna. Ngabafocna yeni herengina buu geng yacma memayunubesena. O Anutuna, kopocsicac turunga fingecyemmeudeac deserinecac amma ge gborima yacma meficnuna.

Mitiyegec 74:11

Ge onggongyunuma marigango mi meyununec amma marifoiga segerekecnec, imoc mi ngereede. Ge mariga monggoc mi mesufuma mariga sinema memanganeyununa kpac ambisia.

Mitiyegec 76:9

Ge foraya dede nasoya fainadeac yacnec, imohai ifi fingerec. Ngic yeni ngic ogofocngina ebic meficgeyemmegec yeneng ubaebicgoc kecgec geng ebicfunac mesiyunudacnadeac hanec. Selac