Mitiyegec 27:1 - Yoak kekehagocac Dzadzahac gboria nga Mitiyegec

¹ kebu ye neac kperagi nga memengerec, ni wiac monggac kengec naric mi ambade. Ye sufu sufuamana amma ye kekecna onggonggema kecdeac monggac kengec mi ambade.

Deduamiti

¹ Kebu ye neac kperagi nga memengerec, ni wiac monggac kengec naric mi ambade. Ye sufu sufuamana amma ye kekecna onggonggema kecdeac monggac kengec mi ambade.

Mitiyegec 27:1 ပူးပေါင်းရင်းမြစ်များ

Mitiyegec 11:1

Ni kebuac hoannu hama sufuma kecba ngeni dafi negemma yoac yofi edenudae, “Ge neng isoc kemma tikigau worana.”

Mitiyegec 118:21

Ge yoacna turunga merennenna memengerecna amma meficnunec. Imocac geac ubangerec megembade.

Mitiyegec 118:6

kebu ye nigoc kefu ni naric mi kengecnuude. Ngic yeneng wiac mong naric mi anenggecde.

Mitiyegec 18:28

kebu Anutunango kundunna meickeu kperagia angkecde. Oc, gennoc kifana kpedzereckenade.

Mitiyegec 18:29

O, ge sing meficgenenna ngabahabu memayunubade. Anutunango kuc nenu odatoangina membarackema ferahabade.

Mitiyegec 18:46

kebu kecde. Neac hoc peperandzi seria, ye kenehebesonga. Anutu ebicfunac mesinuec, ye kpac kuneng mibesonga.

Mitiyegec 19:14

Nga enacbibicnaunac yoac nga negen negeng herenau fede, imoc negenna ngereebeso. O kebu, gennoc neac hoc peperandzi seria nga ge bummenuma ebicfunac mesinunec.

Mitiyegec 3:8

kebu ye ebic mesi mesi mingina. Kebu, ge ngicngacfocga kenecnununa. Selac

Mitiyegec 43:2

Anutu, ni geac hoannu hama sufuma kecba ge nocac ngadenuma wanunec. Ngabafocna yeni ebicfu fainugec ubaebicgoc kecduae, imoc fingecnendeac titiha mi negentegecduae.

Mitiyegec 62:2

Ye neac hoc peperandzi seria amma ebicfunac mesinuude. Ye amana seria anu mongngo menuu goroc goroc naric mi amba yeng naric mi meicnuude.

Mitiyegec 62:6

Yennoc neac hoc peperandzi seria amma ni ebicfunac mesinuude. Ye amana seria, imocac wiac mongngo menuu goroc goroc naric mi ambade.

Mitiyegec 84:11

Nocac kebu Anutu ye wenac nga kaso. Ye wosoefac nga eweheihei anemmema ngicngac dindingac kecandae, yeni faka gombunga ayemmema wiac gombunga mong naric mi segereyemmeude.

Mataio 8:26

Ifi degec yeng yofi edeyunuec, “Ngeni negen negensingngina kapianecsac fede, ngeni kengec mi ambisia.” Ifi dema firang nga dzohong kpetariyemeru firang kpac anu dzohong ye ning kpema eng feec.

Ruka 3:6

Anutungo ngicngac manganaunac mesinunuude, imoc ngiha ngihango hendacgecde.’” (Yesaia 40:3-5)

Yohane 1:9

Anu kperagi fora yombong, yeng bangecfu ngicngac sasawa mekperagiyemmebeso haudeac anec.

Yohane 8:12

Yesungo monggoc torokpema yoac yofi edeyunuec, “Ni bangectoa bangec imocac ngicngac ngeneac kperagi. Mong ye ni modacnude, yeng kundunggac sing mong mi modarude. Amma ye kekecac kperagiu kefude.”

Roma 8:31

Imocac amma Anutungo nanggenunuma nenanggoc kecmanu mongngo sinnina hedzickema naric mi memanunuude.

2 Korinti 12:9

Kebungo yofi edenuec, “Neac wosoefacngo ge socguude. Nocac kucnango kucmama imocac kekecfu hafoangoc fingectegerude.” ifi deecac yofi negenduae, Kristoac kucngo kperacnuudeac kucmamana dekperagibade.

Firipi 4:13

Kuc minginango negennemmanu wiac sasawa imoc naric andacbade.

Hebiraio 13:6

Imocac serima kengeha kpac kecma yofi naric denide, “kebu ye nenanggac memeficnina nga ngic mongngo wiac mong anemmeu imocac naric mi kengecnunuude.” (Mitiyegec 118:6-7)

Yohaneac kpefing 21:23

Nga Anutuac kuc nga kibikperagiango taongtoa mekperagiec nga ramamedahango kperagia anec. Imocac amma taongtoa ye wenac me afokperagi uangira kpac, imohai monggoc mi mekperagiecde.

Yohaneac kpefing 22:5

Imohai tofocnac monggoc mi anude nga kifa me wenacac kperagi imoc yeni uangina kpac, nocac Kebu Anutungo mekperagiyunuude. Nga ngicngac yeni ngictau ua megec nga mekecgec imocac nasoya wisic wisickea kpac.

Yohaneac kpefing 7:10

Namma yofi dema kunengngoc arohogec, “Anutunina ngictau tatacfu tacde nga ramamedaha yeri memengerec mingina.”