Mitiyegec 21:7 - Yoak kekehagocac Dzadzahac gboria nga Mitiyegec

⁷ Ngictau ye kebu negenserima kecde. Kebu Engenatoango yoac dedzege amma imoc modacma kecandeac wiac mongngo ngictau meu goroc goroc naric mi anude.

Deduamiti

⁷ Ngictau ye Kebu negenserima kecde. Kebu Engenatoango yoac dedzege amma imoc modacma kecandeac wiac mongngo ngictau meu goroc goroc naric mi anude.

Mitiyegec 21:7 ပူးပေါင်းရင်းမြစ်များ

Mitiyegec 13:5

Geng yoac dedzege amma imoc modackecnecac negenseriguma kecduae. Geng ebicfunac mesinunecac amma ni heregoc geac desogai angkecduae.

Mitiyegec 16:8

Ni nasosoc kicna kebuaru fikecduae. Yeng marifoinau kecdeac wiac mongngo menuu goroc goroc naric mi ambade.

Mitiyegec 18:2

kebu ye neac hoc peperandzi seria, ye amana seria amma neac yungec yungecngic. Ye Anutuna nga neac hoc peperandzi seria anu ni yeac hoannu kemma sufuma kecbade. Ye kasona nga ye kuhagoc amma ebicfunac mesinuu yeac odaseriau kecbade.

Mitiyegec 26:1

O kebu, ni dindingac kecma kopocsic mong mi meficgeaiac nanggenuna yoacfu firang ambesare. Ni seria namma kebu negenserima kecanduae.

Mitiyegec 45:3

O Firangngic kucgagoc, ge ngictauac kuc nga kibikperagigagoc kecnec. Ge dzikacac soega kebanggau dzegema dzikacac efaina.

Mitiyegec 61:4

Ge kporucbedzogau fainuna ni nasoya nasoya ihai kecbade. Ni geac kpegangga bageu sufuma kecbadeac anende. Selac

Mitiyegec 72:17

Ngictauac kpac kuneng imoc nasoya nasoya feengkecbeso. Wenacngo tatacseri takecde, ifi isoc yeac kpac kuneng deyadigec nasoya nasoya fekecbeso. Yeng bangec monnunac ngicngac sing meficgeyemmeu yeni kenecnginagoc amma yofi debisia, “Ye kenehagoc.”

Mitiyegec 9:2

Ni ubangerec negemma geac amma sogaibade. O Kuctoa mingina, ni geac kpac kuneng heiwayong memima yegec heibade.

Mitiyegec 91:2

ye kebu edeude, “Ge sufu sufuamana nga amana seria, ge Anutuna nga ni negenseriguma kecduae.”

Mataio 27:43

Ye yofi dema negen negensinga Anutuaru faiec, ‘Ni Anutuac medac.’ ifi deu Anutungo yeac ammikecdeu mesibeso.”

Hebiraio 2:13

Amma monggoc yofi dede, “Ni yearu heiriduae.” Amma monggoc dede, “Nenenggec, ni nga nambaracfocna Anutungo nenec, neni yei.” (Yesaia 8:17-18)