Mitiyegec 19:9 - Yoak kekehagocac Dzadzahac gboria nga Mitiyegec

⁹ kebuac eweheiheigoc kekec imoc kongaha amma feengkefude. Nga kebungo dederecgeyoac modacnideac faiec, imoc seria amma dindingac.

Deduamiti

⁹ Kebuac eweheiheigoc kekec imoc kongaha amma feengkecbesande. Nga Kebungo dederecgeyoac modacnideac faiec, imoc seria amma dindingac.

Mitiyegec 19:9 ပူးပေါင်းရင်းမြစ်များ

Mitiyegec 10:5

Ngic mong ifi kecande, ye uaya nasosoc naric amma ngereeude. Ye ngabafora sasawa yeneac negenu wiac efeacnec andeac dzomoreyemmeude. Ye yoacga kpekefu geng wiac hengising amma foraya deannec, imoc yeac hereau fedeac imoc naric mi henude.

Mitiyegec 111:10

kebu eweheihei ammima ye hoanggebesonga. Faka imoc negen negentegecac hania ande. Ye eweheiheigoc hoanggeandae, yeni negen negengngina irec ireckea. Yeac eriendzong, imoc nasoya nasoya feengkefude.

Mitiyegec 115:13

ngicngac kebu eweheiheigoc hoanggeandae amma ngicngac kuneng nga kapia kenecyunuude.

Mitiyegec 119:1

Ngicngac yeni kopocsic mong mi meficgema kecma kebuac dedeseri modacandae, yeni kenecnginagoc.

Mitiyegec 119:106

Ni dedeseriyoacga dindingac modacbadeac yoac deserima imoc meseriai.

Mitiyegec 119:111

Geac dedekperagiyoac, imoc nasoya nasoya maridzominna fefeseri fenenude. O, herenango imoc negemma sogaima kecbade.

Mitiyegec 119:142

Geac dindingac kekec imocngo nasoya nasoya fefeseri feude nga geac dedeseriyoac, imocngo fora.

Mitiyegec 119:39

Geac dederecgeyoac sasawa imoc gombunga. Game kpekpeu fainugec kengecgoc kecbaiac ebic imoc meickenenna.

Mitiyegec 119:62

Ni tofocnac dzongiau yacma dedeseriga dindingac negemma imocac dengeregukecbade.

Mitiyegec 119:7

Ni geac dederecgeyoac dindingac negen negennau arenggeba herenau ikoc nga hamangec mong mi feu ge dengeregubade.

Mitiyegec 119:75

O kebu, geac singyoac imoc dindingac nga gennoc yoac modac modac Kebu, imocac ebic meficgenennec, imoc negenduae.

Mitiyegec 12:7

O kebu, geng onggonnunuma ngicngac yofinenggac kecdae, yenearunac nasosoc garennununa.

Mitiyegec 147:19

Ye yoara Yakobo mekperagimiu sing nga dederecgeyoara imoc Israe areng mekperagiyemmeec.

Mitiyegec 36:1

Ngic mong ye Anutu ngadehema mangana meudeac ammiu singyoackpekpengo yeac herea keme kemeau yombong kehema yoac edeude. Ye kiwango wiac hendacma Aunutuac kengec mong mi negenude.

Mitiyegec 36:6

Tikitoa nangkendae, ifi isoc geac dindingac kekecga ande. Ge yoacfu sing dindingac modacma yoacngina desiyemmeannec, imocngo kondung keme kemea isoc ande. O kebu, ge ngicngac nga yang hania hania momoc onggongyununade.

Aposoro 10:22

Ifi deu ngic yeneng yofi degec, “Wasaingic gareng Konerio ye Anutu eweheimima faka gombunga modackecde. Nga yudangic sasawa yeni yeac negenggec ngereeande, yenoc angero kpetiac mongngo fingecmima ameau heitaiguma enacgaunac yoac negenudeac edeec.”

Roma 11:22

Ge Anutuac faka yumea nga demetinga seria fede, momoc hentegecbesena. Ye ngic mayunuec, yeni demetinga seria ayemmeec nga ge ine faka yumeau anggenec. Ge yeac faka yumeaac bageau mi kecnadeu ge ifingoc herecgeguude.

Roma 2:2

Anu faka nga angammemengina ifia angkecdae, yeni Anutungo sing forau isingyunuma kopocsicnginaac turunga yemmeude, imoc negendimbe.

Yohaneac kpefing 15:3

Menamma yeni Anutuac wanacngiha Mose nga ramamedaha, yereac yegec yofi dema heigec, “Kebu Anutu Kuctoa mingina, angammemega imoc engena nga bibiagoc nga ge bangeha bangeha yeneac ngictau. Geac sing imoc dindingac nga fora.

Yohaneac kpefing 16:7

Ifi deu negemba aratango deec, “O Kebu Anutu kuctoa mingina, ge yoac fora dema ngicngac fakangina isinggema sing dindingacfu forayangina denec.”

Yohaneac kpefing 19:2

Imoc yofiac, ye ngicngac yoacngina isinggema fora nga dindingac desiude. Amma yeng singtoangac kuneng serofakayango bangec memanganeec, yeac faka isinggema wanacarengfora yeneac sacnginaac turunga yearunac meec.”