Mitiyegec 19:8 - Yoak kekehagocac Dzadzahac gboria nga Mitiyegec

⁸ kebuac dederecgeyoac imoc dindingac amma sogac sogai hereninau meficgenemmeude. Amma kebuac nonoyoac imoc kongaha amma kicnina mekperagiude.

Deduamiti

⁸ Kebuac dederecgeyoac imoc dindingac amma sogac sogai hereninau meficgenemmeude. Amma Kebuac nonoyoac imoc kongaha amma kicnina mekperagiude.

Mitiyegec 19:8 ပူးပေါင်းရင်းမြစ်များ

Mitiyegec 105:45

Yeneng yeac singyoac mekecma dedeseri yoara seria modacgecdeac ifi anec. kebu eriendzong memini, hallelu Yac.

Mitiyegec 111:7

Yeng wiac mariango meande, imoc yoara modacma faka dindingacgoc. Nenang yeac dederecgeyoac sasawa negenserima mekecbisina.

Mitiyegec 119:105

Geac yoac, imocngo haninaac kifa amma sinna mekperagiude.

Mitiyegec 119:12

O kebu, kenecgubisina. Ge singyoacga kpounenna ni imoc negen negennau arenggema mekecbade.

Mitiyegec 119:121

Ni singyoac mi kpema faka dindingac angkefai. Ngic yeneng ebicfu fainubeso ambauac onggonnuma yeneac mariu mi fainuna.

Mitiyegec 119:128

Ni imocac geac dederecgeyoac sasawa modacma imocac sing tikecma sing ikoha hania hania tibeso modzona tiude.

Mitiyegec 119:130

Ge yoacgaac nagu witina imocngo ngicngac mekperagiyemmema ngicngac negen negengngina efea, yeni negen negentegec yemmeude.

Mitiyegec 119:14

Ngicngac yeneng dzofinacnginaac sogaiandae, ni ifi isoc geac dedekperagiyoac negemma sing imoc modacma sogaibade.

Mitiyegec 119:143

Ebic nga kpendzeng nearu fingecande, fora. Nga geac nonoyoacngo ubangerec meficgenenude.

Mitiyegec 119:16

Ni singyoacgaac ubangerec negemma geac yoac naric mi nigecnuude, kpac.

Mitiyegec 119:171

Geng singyoacgaac negen negeng kpounengannecac enacbibicnango geac dedengerec yoac homac dekecbeso.

Mitiyegec 119:24

Geac dedekperagiyoacngo ni ubangerec meficgenemma dederecge gombunga anenude.

Mitiyegec 119:40

Ge fakaga dindingac imocac amma kekecna megborima kekec monggoc nenna. Negenna, ni geac dederecgeyoac negembadeac anende.

Mitiyegec 119:54

Ni yei kuricngic amma amanginau kecbare singyoacgango ubangerecyegecna anu heibade.

Mitiyegec 119:80

Ngicngac goa yeneng gameu fainubauac herenango geac singyoacfu seria kpeketaheu kopocsic mong mi meficgebesare.

Mitiyegec 119:92

Geac dedeseriyoacngo ubangerec mi meficgenembacfu kpendzennango mebucnuu kpac ambai.

Mitiyegec 12:6

kebungo yoac deserima deec, imoc sasawa yoac kongaha nga seuha kpac. Ngic yeni siriwa gerec gereagoc ohogec atac 7 anu bangecfu mama kongac koporarac anude. kebungo yoac deserima deec, imoc ifi isoc ande.

Mitiyegec 13:3

O kebu Anutuna, ge neac negensima turunga merennenna. Ni homecfu heima febaiac kicnau kperagiga faina kecbesare.

Mitiyegec 40:8

O Anutuna, ni geac songo sogac sogaigoc modacbade nga geac dedeseriyoac imoc herenau fede.”

Mitiyegec 93:5

O kebu, geac singyoac imoc sasawa seria nga fora. Geac amau nasoya nasoya kpetiac feengkecbeso.

Roma 3:20

Ngic mong ye dedeseriyoac modackecma Anutuaru haude, ye Anutungo yofi naric mi demiude, “Ngic imoc ye dindingac.” Dedeseriyoac imoc ine kopocsicnina dekperaginemmeu negennide.

Roma 7:22

Amma ubaonganau Anutuac dedeseriyoac ubangerecgoc hoanggekecbare

Roma 7:7

Imocac nenang yofi denide, dedeseriyoac yengenaoc kopocsic mi ande, kpac. Dedeseriyoacngo ine kopocsicac siriha edzacnuu negenghomeduae. Ge hensongo mi ambesena. (Makekeng 20:17; Dedeseri 5:21) Dedeseriyoacngo ifi mi debacfu ni hensongoac siriha naric mi negenghomebai.

Garata 2:19

Ni Kristogoc mariponnu momoc nugec nanic. Nga Anutugoc kecbadeac amma dedeseriyoacngo kopocsicna edzacnuu Kristogoc homema yoac imoc wayai.

Garata 3:21

Anutungo Abrahanggoc yoac dzegeec, imoc dedeseriyoacngo mi kpede, imoc kpac yombong. Anutungo dedeseriyoac nemmeec, imocngo kekecseri meficgenemmebac dede ye dedeseriyoacac amma ngicngac dindingac denemmebac, amma ifi mi fingerec.