Mitiyegec 15:1 - Yoak kekehagocac Dzadzahac gboria nga Mitiyegec

¹ O kebu, geac kporucwomongga kpetiacfu merang naric tarude? Nga merang tikiga kpetiacfu naric kefude?

Deduamiti

¹ O Kebu, geac kporucwomongga kpetiacfu merang naric tarude? Nga merang tikiga kpetiacfu naric kefude?

Mitiyegec 15:1 ပူးပေါင်းရင်းမြစ်များ

Mitiyegec 2:6

“Foracngoc, ni ngictauna neac Siong tiki kpetiacfu bic faiba tacde.”

Mitiyegec 23:6

Ge faka gombunga anennade. Foracngoc, geng yoac dedzege amma imoc modackecnec nga fakaga imocngo hesicnuma kekecnaac uameme sasawau hesicnunadengoc. Nga ni kebuac amau erema ihai nasoya nasoya kecengkecbade.

Mitiyegec 3:4

Ni kebuaru seria kiacba yeng kpetiac tikiyau tacma yoacna turunga merennenude. Selac

Mitiyegec 61:4

Ge kporucbedzogau fainuna ni nasoya nasoya ihai kecbade. Ni geac kpegangga bageu sufuma kecbadeac anende. Selac

Mitiyegec 84:4

Ngicngac geac amau kecdae, yeni kenecnginagoc amma yeni nasoya nasoya dengereguma yegec heigenggecde. Selac

Mitiyegec 92:13

Yeni ic isoc kebuac amau homehomera, yeni Anutuac amasobennu sabanginagoc anggecde.

Yohane 14:3

Amma ngeneac amatatac heitumeibadeac kemma dzigene hama hesicngunubade. Ni kecbade, ihai nenahafoc kecnideac negenduae.

Yohane 17:24

Manggac, bangec nga kurumeng mi fingecmaec ge bic heresongogoc hoannuma kuc nga kibikperagi nennec. Nga ngicngacfocna nennec, yeni neac kuc kibikperagiagoc imoc henggecdeac neng kecbade, imohaingoc nenahafoc kecnideac anende.

Hebiraio 12:22

Ngeni ine tiki ifiau mong mi hagec, kpac. Ngeni Siong tiki, imoc Anutu kekehagoc yeac taong amma kurumenggac Yerusareng, imohai sogac sogaiac tutumannu hagec.

Yohaneac kpefing 14:1

Ni ramamedaha hemba ye Siong tikiu ngicngac 144 tauseng yenigoc nanggec. Nanggec, yeni ramamedahaac kpackibi nga Manggacac kpackibi mesunginau mekecgec.