Mitiyegec 148:14 - Yoak kekehagocac Dzadzahac gboria nga Mitiyegec

¹⁴ Ye ngicngacfora yeneac amma ngictau mong nanggeu kuhagoc amma firang anude. Yeac ngicngacfora kpetiac kecandae, ngeni ye dengerebisia. Kebu ye Israe habufora yeac wegenacfu hama kecdae, ngeneac amma ngictau faiec. kebu eriendzong memibesonga, hallelu Yac.

Deduamiti

¹⁴ Ye ngicngacfora yeneac amma ngictau mong nanggeu kuhagoc amma firang anude. Yeac ngicngacfora kpetiac kecandae, ngeni ye dengerebisia. Kebu ye Isracel habufora yeac wegenacfu hama kecdae, ngeneac amma ngictau faiec. Kebu eriendzong memibesonga, hallelu Yac.

Mitiyegec 148:14 ပူးပေါင်းရင်းမြစ်များ

Mitiyegec 112:9

Ye songea modacma wiac mederema ngicngac makpekpea yemmeude. Yeac faka dindingac, imoc nasoya nasoya feengkefude nga ye kuhagoc anu ngic yeneng eweheihei ammima nanggegecde.

Mitiyegec 145:10

O kebu, ge wiac sasawa mefiyununec, yeni geac ubangerec megembisia. Nga ngicngacfocga kpetiac yeneng kenecguma

Mitiyegec 149:9

Yoac yofi bic oho ohoya fede, “Yeneac yoac imoc modacma yoacngina isinggema desibesonga.” Nga imocngo Anutuac ngicngac yeac yoac modacma kecdae, yeneac kuc kibikperagiagoc anude. kebu eriendzong memini, hallelu Yac.

Mitiyegec 75:10

Ngic Anutu ngadehema mangana megecdeac ayemmeande, minginango yeneac kucngina meickeu kpac anu ngic dindingac yeneac kucngina monggoc meenude.

Mitiyegec 89:17

Ge ngicngac imoc yeneac kibikperagi nga kucngina. Amma ge wosoefac anemmena kucninagoc amma firang annide.

Mitiyegec 89:18

Ngictau ye kasonina nga kebu ye kasonina mingina. Ye Israeac kpetiac ngic amma yeng neneac ngictau, yeac mingina.

Mitiyegec 92:10

Kateburumakango kuhagoc kecande, ge sifu kuc ifia nemma nanggenuna kucgoc amma firang ambade. Ge kerec gombunga kpakema nadzicnennec.

Ruka 1:52

“Ye ngictau kucnginagoc, yeni tatacnginaunac meicyunuma ngic kpac kuneng mong mi mekecgec, yeni memiacyunuec.

Ruka 2:32

Nga yeng bangeha bangeha ngicngac ge mi negensinggudae, yeni mekperagiyunuma kperagingina anude amma ye israengicngacfocga yeneac kibikperagitoa.”

Efeso 2:13

Ngeni warac araing kecgec amma naso yofinenggac Yesu Kristogoc kpeturanggema kecdae. Nga Kristoac sawango wangecngunuu Anutuac hoannu sikedacma kecdae.

Efeso 2:17

Yeng sikema araing nga wegenac kekeha momoc ruaeyoac dekperaginemmeu negening.

Efeso 2:19

Imocac naso yofinenggac kuriha monggoc mi kecdae. Ngeni Anutuac ngicngac kpetiacgoc kpeturanggema ama mingina anggec. Amma yofinenggac Anutuac arengfora kecdae.

1 Petoro 2:9

Anu ngeni Anutuac faka kuhagoc dekperagigecdeac Anutungo ngeneac areng meisingngunuec. Meisingngunuma ngeni yengena areng ngicngac kpetiac anggecdeac mengunuma ngictauac arennu faingunuu womong garengua mekecgecde. (Makekeng 19:5-6; Yesaia 43:20) Yennoc kundunnunac hagecdeac kpacngunuma kperagiau heitaingunuma yengena kperagi engena, imohai faingunuec.