Mitiyegec 142:3 - Yoak kekehagocac Dzadzahac gboria nga Mitiyegec

³ Asuna ukuba kpeu geng haniana bic negennade. Ni sing kenganduae, imohai ngic yeneng menugecdeac botac faima sufuma takecdae.

Deduamiti

³ Asuna ukuba kpeu geng haniana bic negennade. Ni sing kenganduae, imohai ngic yeneng menugecdeac botac faima sufuma takecdae.

Mitiyegec 142:3 ပူးပေါင်းရင်းမြစ်များ

Mitiyegec 1:6

Anutungo ngicngac dindingac yeneac sing hennegeng amma garengyunuude. Nga ngic Anutu ngadehema mangana megecdeac ayemmeande, yeni ine kpac anggecde.

Mitiyegec 102:1

O kebu, ge nunumuna negenna memeficac kiacba imocngo gearu habeso.

Mitiyegec 102:4

Kpindzing herecgegec dzanggema homeande, herenango ifi isoc dzanggede. Kucna kpac yombong anu yaka nenena nigecnude.

Mitiyegec 140:5

Ubakpekpe ngic yeneng botac mong mesufuma faima menubeso angkecdae. Yeni witic mema ufic faima suba sing tegiau faima menubeso angkecdae. Selac

Mitiyegec 141:9

Ngic mangana yeneng menugecdeac botac faigec nga yarengic yeneng suba faigec ge imohacnac onggonnuna.

Mitiyegec 143:4

Imocac asuna herena manau worau herenango ebic meficgema hoc isoc ande.

Mitiyegec 17:3

Foracngoc, ge tofonac yugucnuma tobangge herena hennegeng annadeu nearu mangana mong mi meficgenade. Enacnango yoac kopocsihagoc mong mi debadeac negenseriai.

Mitiyegec 22:14

Ngicngac yeneng doku bokonnunac kpakeandae, yeni ifi isoc ni kpakenugec kerengaiba sicna dzuhura sasawa fotockedacdac. Ni ubaherena kendokereha isoc amma herena manau sisingaima doku doku ande.

Mitiyegec 31:4

Ge neac sufu sufuama annecac ngic yeni ufic sufu sufuu faigec mendannuu, geng imohacnac yungecnuna.

Mitiyegec 56:6

Yeni memanganenugecdeac denegeng amma neac tomai sufuma namma kpebucnugecdeac ayemmeu ni kengha ambadesoc garennukecdae.

Mitiyegec 61:2

Ni bangectoa bangec tegiau namba woubocna kucmama anu kpacguduae. Ge hesicnuna hoc peperandzi herea mong feracnude, imohai kemma nambisira.

Mitiyegec 62:9

Ngic mamea yeni ngicngo asu naso mocgu heiandae, imoc wiac ifi. Ngic engena kecdae, yeni firang onga ikoha fifiu kpac angande, ifi isoc andae. Sigeriu faiyunugec yeni ebicngina kpac. Yeni efea yombong nga enacasuac ebic sigeriu yeneac ebic ferahede.

Mitiyegec 77:3

Ni Anutu negensiba asoringa anenu ye hennegeng amma negensikecba ongana ebiriude. Selac

Mataio 22:15

Anu farisaio yeneng kemma yoac dafi dema Yesu tobanggeni yoac goa segeu meni dema imocac denegeng anggec.