Mitiyegec 140:6 - Yoak kekehagocac Dzadzahac gboria nga Mitiyegec

⁶ kebu yoac yofi ededuae, “Ge neac Anutu.” O kebu, ge neac ubaga manganeudeac kpacguba ge kedzac kpema negembesena.

Deduamiti

⁶ Kebu yoac yofi ededuae, “Ge neac Anutu.” O Kebu, ge neac ubaga manganeudeac kpacguba ge kedzac kpema negembesena.

Mitiyegec 140:6 ပူးပေါင်းရင်းမြစ်များ

Mitiyegec 116:1

Ni kebuaru kpesi kpesi faiba yeng ubaudumenna negenecac ye songogoc hoanggebade.

Mitiyegec 119:57

O kebu, ge neac areng nga yeneng bangec isoc mederema noboha nenggec, imoc ge. Ni yoacga modacbadeac geac kicfu deserima deduae.

Mitiyegec 130:2

Kebu, ge enacudumenna negemma kedzac kpena. Kpesi kpesina gearu hade.

Mitiyegec 142:4

Ni kicna foinaugeng fima hemba mongngo ni mi nengsiude. Nga ni sufu sufuama hofocba kpac anu ngic mongngo nenggareng mi anenude.

Mitiyegec 142:5

O kebu, ni kpacguma deba, “Ge sufu sufuamana nga ge gbori kekec bangecnginau neac wiac angkecnec.

Mitiyegec 143:1

O kebu, ge nunumuna negenna. Ni kpacguma desambic anggemba ge kedzac faima yoacna negenna. Ge yoac modac modac Kebu nga ge dindingac kecnecac amma turunga merennenna.

Mitiyegec 16:2

Ni kebu yofi ededuae, “Ge Kebuna, forangoc, gea kpac wiac mong gombunga naric mi mekecbai.”

Mitiyegec 31:14

O kebu, ni negenseriguma yoac yofi deba, “Ge Anutuna.”

Mitiyegec 57:7

O Anutu, herenango ge seria meguma kecbade, oc, herenango seria meguma kecbade. Ni yegec heima music mema afegubade.

Mitiyegec 64:1

Anutu, ni ebicyoacna edeguba ge ubaudumenna negenna. Ngaba yeneng nubeso andaeac kengecnude. Ge imocac onggonnuna.

Mitiyegec 91:2

ye kebu edeude, “Ge sufu sufuamana nga amana seria, ge Anutuna nga ni negenseriguma kecduae.”