Mitiyegec 131:1 - Yoak kekehagocac Dzadzahac gboria nga Mitiyegec

¹ O kebu, herenau sebiengeng mi anganduae nga ubakpekpe arennu kicna wi mi meemma fibade. Wiac kuneng me bibiagoc amma ni feracnuma neacsoc mi ande. Ni imocac negen negeng ua mi mebade.

Deduamiti

¹ O Kebu, herenau sebiengeng mi anganduae nga ubakpekpe arennu kicna wi mi meemma fibade. Wiac kuneng me bibiagoc amma ni feracnuma neacsoc mi ande. Ni imocac negen negeng ua mi mebade.

Mitiyegec 131:1 ပူးပေါင်းရင်းမြစ်များ

Mitiyegec 101:5

Mong ye ogea wegenac kecma yeac ngadeyoac sufu sufuu deude, ni ngic ifia memanganeba kpac ambeso. Ngic mong ye yengenaac negenu wiac engena anu ngic ogofora yenemma yeneac negenu mamea angande nga hereau ubakpekpe faka meande, yeac modzona tiude.

Mitiyegec 122:1

“Nenang kebuac amau enni.” Yeneng ifi edenugec ubangerec negenai.

Mitiyegec 124:1

Israe ngeni yofi debisia, “kebungo nenanggoc mi kecbacfu neni dafi ambesonga obohobing.”

Mitiyegec 133:1

Negenggec, ngicngac daramuna ngeneng negen negengngina kpeturanggema ruaegoc kecandae, imocngo wiac songea yombong.

Mitiyegec 139:6

Negen negeng ifia imoc keme kemea nga engenatoa amma kuneng andeac imocac ubangerec negenduae, fora. Nga imoc sifu naric mi negentegecbade.

Mataio 11:29

Ngeni hama tofona miacma tofohoma negen negeng nearunac megec. Ni wosonomang nga memaemema kecduae. Ifi anu ubaonganginango kecnegeng meficgeude.

Aposoro 20:19

Ni memaemeyombonggema Kebuac enac tofoc tofoho kecbare yudangic yeneng ngaba dekiric anemmagec kiacubahodunggoc nga faitobannu kefai.

Roma 11:33

O, Anutuac semeng dzohongagoc fede nga negen negenga imoc kuneng nga kpeukeme kemea. Anu yeac desi desiac hania nga fakaya amma angammemea, imoc negen negennina feraheude.

Roma 12:16

Ngeni negengemema uba mocgu ambisia. Nga ngeni mamea yenigoc tacma ua mamea naric mebisia, tatac engenaac mi angemmebeso. Ngeni tembuc tembuc ngenang negen negengtoanginagoc dema ifi mi negengemebisia.

1 Tesaronike 2:10

Negen negensinggoc tosofocna, neni kpetiac nga dindingac amma kopocsiha kpac faka ifia mema ngenigoc kefing, ngeni imoc hemma negemmagec Anutungo ifingoc hepuc anemmeec.