Mitiyegec 128:1 - Yoak kekehagocac Dzadzahac gboria nga Mitiyegec

¹ Ngicngac kebuac eweheiheigoc kecma yeac sing modacandae, yeni sasawango kenecnginagoc.

Deduamiti

¹ Ngicngac Kebuac eweheiheigoc kecma yeac sing modacandae, yeni sasawango kenecnginagoc.

Mitiyegec 128:1 ပူးပေါင်းရင်းမြစ်များ

Mitiyegec 103:1

O ubaongana, ge kebu kenehena. Wiac sasawa neac manau fede, imocngo yeac kpara kpetiac kenehebeso.

Mitiyegec 103:13

Manggac mongngo nambaracfora yeneac ubea manganeu hoangyunuande, ye ifi isoc ngicngac kebu eweheimiandae, yeneac ubamangang negemma hoangyunuude.

Mitiyegec 103:17

Nga kebungo sifu yoac dedzege amma imoc modarude. Ngicngac yeneng eweheihei ammigec yeng nasoya nasoya hoangyunuma kecengkefude, fakaya dindingac imocngo nambarac nga esamedacfocngina fingecgecdesoc, yenearu fekefude.

Mitiyegec 112:1

kebu eriendzong memibesonga, hallelu Yac. Ngic mong ye kebu eweheihei ammiande nga yeac nonoyoac songotoagoc hoanggeande, ye kenehagoc.

Mitiyegec 115:13

ngicngac kebu eweheiheigoc hoanggeandae amma ngicngac kuneng nga kapia kenecyunuude.

Mitiyegec 119:1

Ngicngac yeni kopocsic mong mi meficgema kecma kebuac dedeseri modacandae, yeni kenecnginagoc.

Mitiyegec 119:3

kopocsic mong mi meficgema yeac hanising modacma kengkecgecde.

Mitiyegec 120:1

Ni ebicgoc kecma kebu kpacba yeng kiacna negemma turunga merennembeso.

Mitiyegec 121:1

Ni kicna tikiu fiba ende. Ni memeficac obohoduae, imocngo dahacnac haude, ifi kpesiduae.

Mitiyegec 122:1

“Nenang kebuac amau enni.” Yeneng ifi edenugec ubangerec negenai.

Mitiyegec 123:1

kebu ge kurumenga kurumenga imohai ngictau tatacgau tacna ni kicna gearu fiba erede.

Mitiyegec 124:1

Israe ngeni yofi debisia, “kebungo nenanggoc mi kecbacfu neni dafi ambesonga obohobing.”

Mitiyegec 125:1

Ngicngac kebu negenserima kecdimbe, nenang Siong tiki isoc. Wiac mongngo meu goroc goroc mi amma nasoya nasoya nangkefude.

Mitiyegec 126:1

kebungo Siong monggoc mengereu ngicngacfora naric kecgec, naso imohai nenang negenni imoc gau negendimbe isoc anec.

Mitiyegec 127:1

kebungo ama mi meudeu ngic yeneng uatoa mema ama mekecdae, imocngo memefihagoc mong mi anude, kpac. kebungo amabangec mi garenggeudeu ama gareng yeni gaugbori anggec uangina sifu memefihagoc mi anude.

Mitiyegec 147:11

Ngicngac ye eweheiheigoc hoangeandae, yeng yenemma nengenu ngereeude. Yeng yoac dedzege amma imoc modarude. Nga ngicngac yeneng imocac negensima fora fingerudeac tomai kecandae, ye yeneac negenu ngereeu sogaiude.

Mitiyegec 81:13

O ngicngacfocna, ngeni neac yoac modacma kedzac kpebau, imocac yombong anende. Nga Israe ngeneng neac sing modacbau, imocac homac anende.

Ruka 1:50

Kisicfunac kisic yeac ewea heimiandae, yeneac witiu yeac ubamangangngo feengkefude.

Ruka 1:6

Ngicngahoc imoc yeri Anutuac kicfu dindingac yombong kecma dedeseriyoac nga singyoac sasawa modacma ikocngira kpac amma kpetiac kefoc.

Aposoro 9:31

Anu kpebung Yudaia nga Gariraia amma Samaria bangecfu kecgec, yenearu ruae fingerec. Fingeru ruaegoc kecma kpetengina kuneng amma sahema Kebu eweheimima ubango hoanggema afehegec. Anu Tiri Asungo ubaebicngina meickeec.

1 Tesaronike 4:1

Tosofocnina, neni Kebu Yesugoc kpeketahema negen negengngina miacnideac goroyoac yofi torokpema monggoc dedimbe. Anutungo ngenenu ngereeudeac ngeni yeac sing modacbisia. Ngeni yofinenggac ifi kecdae nga imocngo botucnginau yadiseri ambeso.