Mitiyegec 112:8 - Yoak kekehagocac Dzadzahac gboria nga Mitiyegec

⁸ Yeac herea imoc seri seria. Ye kengeha kpac serima kecma firang amma ngabafora yenenude.

Deduamiti

⁸ Yeac herea imoc seri seria. Ye kengeha kpac serima kecma firang amma ngabafora yenenude.

Mitiyegec 112:8 ပူးပေါင်းရင်းမြစ်များ

Mitiyegec 118:6

kebu ye nigoc kefu ni naric mi kengecnuude. Ngic yeneng wiac mong naric mi anenggecde.

Mitiyegec 118:7

kebu ye memeficna amma nigoc wegenac kecdeac ni firang amma ngic ubango ukunudae yenemma nambade.

Mitiyegec 27:14

Ge kebuac tomai kecma seria nambesena. Heregango efaima kucgoc ambeso. Oc, ge kebuac tomai kecbesena.

Mitiyegec 31:24

kebuac tomai kecandae, ngeni herengina meserima serima nandacbisia.

Mitiyegec 37:34

Ge kebuac tomai kecma yeac sing modacbesena. Ge ifi anna yeng miacguma maridzominggac arennu bangec genu mingina annade. Nga yeni geac kicfu ngic Anutu ngadehema mangana megecdeac ayemmeande, meicyunugec kpac anggecde.

Mitiyegec 49:6

Ngicngac imoc yeni hiedzongina negenserima kecandae, yeni dzofinactoanginaac negenggec wiac engena anu imocac yoac homac osogecde.

Mitiyegec 59:10

Anutuna yeng yoac dedzege amma imoc modarude. Ye warainemma kemma sinnu meficnuude. Anutunango sing meficgeu ni firang amma ngabafocna memayunuma yenembade.

Mitiyegec 91:8

Ge kicgango yenemmana ngic Anutu ngadehema mangana megecdeac ayemmeande, yeni angammemenginaac amma turunga megecde.

Mitiyegec 92:11

Ni kic fima ngabafocna mayunuu yenenai. Nga yarengic yeneng wegenac hama nubeso anggec, yeni kopocsicnginaac turunga ebira megec, imoc kedzacnango negenai.

Hebiraio 13:9

Anutuac danggunucngo ubaherengina meseriu seria nanggecde, imocngo wiac gombunga. Nga nenedokuac singyoac hania hania imocngo ine ubaherengina naric mi meseriude. Imocac ngeni kpoukpou gboria hania hania wagec wiac ifiango mi wangecngunubeso, kpac.