Mitiyegec 11:7 - Yoak kekehagocac Dzadzahac gboria nga Mitiyegec

⁷ kebu ye dindingac amma ye faka dindingac songea negende. Nga ngicngac uba kongaha amma ikoc nga hamangecngina kpac kecdae, yeneng yeac kicmesu henggecde.

Deduamiti

⁷ Kebu ye dindingac, imocac amma ye faka dindingacac songea negende. Nga ngicngac uba kongaha amma ikoc nga hamangecngina kpac kecdae, yeneng yeac kicmesuya henggecde.

Mitiyegec 11:7 ပူးပေါင်းရင်းမြစ်များ

Mitiyegec 146:8

kebungo ngicngac kicpisic kicngina merecgeude nga ngadehokuc ngadengina mesorongaima miacyunuude. kebungo ngicngac dindingac kecandae, yeni songogoc hoangyunuude.

Mitiyegec 17:15

Anu ni dindingac kecma kicmesuga hemma gauunac gborima geac kicsiric hemba gunucnude.

Mitiyegec 21:6

O, kenecgango yegoc nasosoc feengkefude. Ge yegoc kecnecac ye ubangerec negemma sogaima kefude.

Mitiyegec 33:18

Foracngoc, ngicngac yeneng kebuac ewea heiandae, Kebungo yeni kiwango yenenude. Yeng yoac dedzege amma imoc modackefude nga ngicngac yeneng imoc negensima fora fingerudeac tomai kecandae, ye kiwango yeninoc yenenude.

Mitiyegec 33:5

kebungo dindingac kekec nga sing dindingac modac modac fakaac songo negenude. kebungo yoac dedzege amma imoc modackecde, yeac faka imocngo bangec sokoma fede.

Mitiyegec 34:15

kebungo kiwa ngicngac dindingac yenearu fima kedzac kpema kiacngina negenude.

Mitiyegec 37:28

kebungo ngicngac sing dindingac modacgecdeac ammiu yeac kpetiac areng, yeni naric mi ngadeyunuma wayunuude. Ye onggongyunuude, imoc wisic wisickea kpac. Ngic Anutu ngadehema mangana megecdeac ayemmeande, yeng yeac nambaracfora ine meicyunuu kpac anggecde.

Mitiyegec 42:5

O ubaongana, ge kucmama mi kecbesena amma ge herena manau dewaidzoc mi ambesena. Ni monggoc Anutu eriendzong memibade. Ge imocac ye negensima tomai kecna fora fingecbeso. Ye memeficna nga Anutuna.

Mitiyegec 45:7

Ge dindingac kekecac anggenu ngicngac Anutu ngadehema mangana megecdeac ayemmeande, yeneac faka imocac modzoga tiande. Imocac Anutu, geac Anutungonoc tosofocga yeneac botucfunac meisingguma feracyunuma sogac sogaiac kerec nadzicgenu sebigango ireckeude.

Mitiyegec 45:8

Ngicngac yeni wambagau mira nga aroe amma kassia heigec homuna gombunga gombunga fiande. Yeni erefang yanggac baihango wiac gombunga gombunga mema ngictauamagau faigec siriha gombunga anude. Yeni imohai gitakurere kpegec udumeng gombunga meficgegenggec ubangerec negengannec.

Mitiyegec 5:12

kebu, geng ngic dindingac kenehema gombunga ammina imocngo mariku isoc kasoya anude.

Mitiyegec 7:11

Anutungo ngicngac faka angammemengina yoacfu isinggema faka dindingac modacma foraya deude. Amma ye wenacsoc mangana hemma modzea tide.

Mitiyegec 7:9

O, gennoc Anutu dindingac amma ngicngac negen negengngina nga herenginaac hengising mingina. Geng ngic mangana megedeac ayemmeande, yeneac yarefakaac kpae heina kpac ambeso nga ge ngicngac dindingac tatacngina meficgema faiyununa ihai seria tacbisia.

Mitiyegec 99:4

Ngictau ye kuctoayagoc. Ye faka dindingac fingerudeac ammide. Geng faka mongang mongangga kpac, imoc faina seria fede. Ge Yakoboac areng yeneac botucfu faka angammemengina isinggema yoacfu desima sing dindingac modacma yoacngina desinec.

1 Petoro 3:12

kebungo ngicngac dindingac yenearu kic fima nunumunginaac kedzac kpeude. Nga mangana mekecdae, yeni ine yenengwa anude.” (Mitiyegec 34:12-16)

1 Yohane 3:2

Songo tosofocna, nenang yaguc Anutuac nambaracfora kecdimbe. Kecma dafi ambesandimbe, imocac mi dekperaginemmeu negendimbe. Kecma yeng fingectegeru yengenangoc hennide imocac yeac siric isoc amma yengena onga annide, imoc ine negendimbe.

Yohaneac kpefing 22:4

Yeni yeac kicmesuya henggecde nga yeac kpara mesunginau oho ohoya feude.