Mitiyegec 1:2 - Yoak kekehagocac Dzadzahac gboria nga Mitiyegec

² Ye Anutuac dedeseriyoacac songo negemma hadzing toforec imoc hennegeng amma negengising angkecde.

Deduamiti

² Ye Anutuac dedeseriyoacac songo negemma hadzing toforec imoc hennegeng amma negengising angkecde.

Mitiyegec 1:2 ပူးပေါင်းရင်းမြစ်များ

Mitiyegec 104:34

Ni kebuaru sogac sogai meficgekecma yeac wiac hennegeng angkecba yeng imocac negenu ngereebeso.

Mitiyegec 112:1

kebu eriendzong memibesonga, hallelu Yac. Ngic mong ye kebu eweheihei ammiande nga yeac nonoyoac songotoagoc hoanggeande, ye kenehagoc.

Mitiyegec 119:1

Ngicngac yeni kopocsic mong mi meficgema kecma kebuac dedeseri modacandae, yeni kenecnginagoc.

Mitiyegec 119:11

Ni yoacga kpema kopocsic meficgebaiac yoacga herena manau faiba feude.

Mitiyegec 119:35

Nonoyoacgaac ubangerec negenduaeac sing imohai hesicnuna.

Mitiyegec 119:72

Geac enacgaac dedeseriyoac, imocngo wiac engena ande. Imocngo ngereenende nga imoc hoc gol nga siriwango memea taoseng nga taoseng feracyunuude.

Mitiyegec 119:92

Geac dedeseriyoacngo ubangerec mi meficgenembacfu kpendzennango mebucnuu kpac ambai.

Mitiyegec 40:8

O Anutuna, ni geac songo sogac sogaigoc modacbade nga geac dedeseriyoac imoc herenau fede.”

Mitiyegec 88:1

O kebu, Anutuna, ge neac ebicfu mesi mesingic. Ni hadzing tofocnac geac arohoma kiackecba

Ruka 18:7

Anutungo ngicngacfora meisingngunuec, ngeneac amma modzea mi tiude. Ngeni hadzing toforec ye meficngunuudeac kiacnginango yearu kenu ye ngeneac amma faka dindingacfu meficngunuudenoc.

Ruka 2:37

Homeu ye hodzec kecmanu kifaya 84 anec. Amma yeng womong mi wawa hadzing toforec yaka segekecma Anutu numumikefec.

Roma 7:22

Amma ubaonganau Anutuac dedeseriyoac ubangerecgoc hoanggekecbare

1 Tesaronike 2:9

Anutuac siduc gombung edekpou angemmeing, naso imohai ngenigoc kecma dzofinacac ebic mong mi meficgengemmenideac hadzing tofocnac uatoa kpendzenggoc mema kefing, imoc bic negendae.

1 Timoteo 4:15

Nga ngicngac yeni yadiseri annec, imoc henggecdeac negen negengga uagau faina seriangoc feu imoc modacma mekecbesena.

2 Timoteo 1:3

Esangabofocna yeni Anutu eweheimigec, ifi isocngoc herenegen negenna kpetiacgoc kecma eweheimima dangge deduae. Ifi dema hadzing tofocnac numuma imohai ge negensiguma kecduae.

1 Yohane 5:3

Nenang Anutuac singyoac tofohoma yeac songo heregoc negengyombonggenide. Nga yeac singyoac imoc ebira kpac.