Mataio 2:2 - Yoak kekehagocac Dzadzahac gboria nga Mitiyegec

² yofi degec, “Yudangic ngeneac ngictau fingecdac, ye dahai? Neni wenac ere ereau tacma yeac asomeng ereu hemma ye eweheiminideac hadimbe.”

Deduamiti

² yofi degec, “Yudangic ngeneac ngictau fingecdac, ye dahai? Neni wenac ere ereau tacma yeac asomeng ereu hemma ye eweheiminideac hadimbe.”

Mataio 2:2 ပူးပေါင်းရင်းမြစ်များ

Mitiyegec 2:6

“Foracngoc, ni ngictauna neac Siong tiki kpetiacfu bic faiba tacde.”

Mitiyegec 45:11

Ngictau ye geac siricga gombunga imoc hembokoma kecde. Ye geac kebu, imocac ge yeac kicfu ngonducnema eweheihei ammina.

Mataio 2:3

Ifi degec ngictau Herodengo imoc negemma ubaebic meec. Meu ngicngac Yerusareng taonnu kecgec, yeneng ifingoc anggec.

Mataio 21:5

“Ge Sionggac naroang yofi edebesena, ‘Henna, ngictauga hagende. Ye donggiu hade, ye donggi medahaac witiau tacde nga ye fakaya memaemeemea.’” (Dzekaria 9:9)

Mataio 27:11

Anu yeni Yesu mekemma gawanaac kicfu faigec nammanu yeng kpesimiec, “Ge yudangic yeneac ngictau me?” Ifi deu Yesungo yofi meremmiec, “Imocnoc geanggaoc denec.”

Ruka 19:38

“Ngictau Kebuac kpacfu hade, ye kenehagoc. Kurumennu ruae feu sawau wi dedengerec febeso.” (Mitiyegec 118:26)

Ruka 23:3

Ifi degec Piratongo kpesimiec, “Ge yudangic yeneac ngictau me?” Ifi deu meremmiec, “Imocnoc geanggaoc denec.”

Ruka 23:38

Nga oruha witiau yoac yofi oho ohoya nanec, “Yomoc yudangic yeneac ngictau.”

Yohane 1:49

Ifi deu Natanaengo yofi edeec, “Rabbi, ge Anutuac medac, Israe neneac Ngictau.”

Yohane 12:13

ic maria dzuamagoc mema Yesugoc ewacgecdeac sinnu kenggec. Kemma yofi kpacgec, “Ohec, ngic kebuac kpacfu hade, ye kenehagoc. (Mitiyegec 118:26) Yeng Israe neneac Ngictau.”

Yohane 18:37

Ifi deu Piratongo deec, “Fora, ge ngictau mong me?” ifi deu Yesungo yofi merenec, “Geng neac ngictau mong denec. O, ni ua imoc mebadeac fingecma yoac fora imocac hepuc amma imoc dekperagibadeac bangectoa bangec yomohai mayai. Nga ngic mong ye yoac foraac arennu kecde, yeng neac ubaudumennaac kedzac kpeude.”

Yohane 19:19

Anu Piratongo yoacbuma mong yofi ohoma mariponnu faiu nanec, “Yesu Nadzaretenac, yudangic yeneac ngictau.”

Yohane 20:28

Ifi deu Tomango deec, “Ge Kebuna amma Anutuna.”

Yohane 9:38

Ifi deu deec, “Kebu, ni negensingguduae.” Ifi dema ye afeheec.

Hebiraio 1:6

Amma ye waracmedaha bangectoa bangecfu kefudeac hesicke haec, naso imohai yofi deec, “Anutuac angero sasawa yeneng ye ngonducnemima afehebisia.” (Dedeseri 32:43 Septuaginta mitikibiunac.)

Yohaneac kpefing 22:16

Ni Yesungo angerona sueba yeng dedekperagi yomoc kpebung sasawa ngenearu dekperagingemmeudeac haec. Ni Dawidiac sera nga bangeha amma asoacac asomeng kibikperagiagoc.”