Mareko 11:1 - Yoak kekehagocac Dzadzahac gboria nga Mitiyegec

¹ Anu yeni kengkecma Yerusareng taong mewegenebeso amma Oriwa tikiu Betefage nga Betani amabangec tarocfu kensikegec. Kensikemagec Yesungo medacfora yenearunac ngic yohockang sueyuruma yofi deec,

Deduamiti

¹ Anu yeni kengkecma Yerusaleng taong mewegenebeso amma Oliwatikiu Betefage nga Betani amabangec tarocfu kensikegec. Kensikemagec Yesungo medacfora yenearunac ngic yohockang sueyuruma yofi deec,

Mareko 11:1 ပူးပေါင်းရင်းမြစ်များ

Mataio 21:17

Ifi dema wayunuma taong wama Betania amabangecfu kemma tofocnac ihai kefec.

Mataio 24:3

Yesungo Oriwa tikiu kemma taru medacfora tembucngina yearu kemma kpesimigec, “Ge yoac dedang imoc noc nasou fingerude? Nga naso wisic wisickea amma geangga hahanasogau noc soi fingerude, imoc edenununa.”

Mataio 26:30

Nga yeni ubangerec yegec heima amaunac mama edibigeng Oriwa tikiu enggec.

Mareko 11:2

“Ngeri dindingac kemma guruama sing enarau tacde, imohai emma donggi medaha mong ngicngo witiau mi tatara, imoc witickegec nande, ngeri imoc meficgema witic yungecma mema haec.

Mareko 13:3

Yesungo Oriwa tikiu Anutuac womong kiwa dindingacfu tacmanu Petoro nga Yakobo amma Yohane nga Anderea, yeneng yegoc tembucfu kecma kpesimigec,

Mareko 14:13

Ifi kpesimigec yeng medac yohockang yofi dema sueyuruec, “Ngeri taonnuu emma ngic mong dokuenanga tofohoma hau yegoc ewacma ye modacbesera.

Mareko 6:7

Yesungo medacfora 12 kpacyunuma yohockang yohockang hendzicyunuma asu seuhagoc kporacgecdeac uayoac nga kuc yemmema sueyunuec.

Yohane 8:1

Yesungo oriwa tikiu emma taru ama wereckembeso ammanu mama monggoc Anutuac womonnu enec. Enu ngicngac yearu hadacgec tacma miti kpouyemmeec.

Aposoro 1:12

Anu aposoro yeni Oriwa tikibumaunac dzigenema mama Yerusarennu enggec, imoc sing wegenac anu sabata nasou sing imoc naric kengha angkecgec.