Firipi 2:1 - Yoak kekehagocac Dzadzahac gboria nga Mitiyegec

^1-2 Kristongo meseringunuma heresongogoc hoangngunukecde. Nga Tiri Asungo hama kpeturangngunuu ngeni ubamangang negengemema wosoefac angemegecde. Imocngo botucnginau negen negeng mocgu nga uba mocgu amma heresongogoc hoangemegec ubangerec hafoa negembade.

Deduamiti

^1-2 Kristongo meseringunuma heresongogoc hoangngunukecde. Nga Tiri Asungo hama kpeturangngunuu ngeni ubamangang negengemema wosoefac angemegecde. Imocngo botucnginau negen negeng mocgu nga uba mocgu amma heresongogoc hoangemegec ubangerec hafoa negembade.

Firipi 2:1 ပူးပေါင်းရင်းမြစ်များ

Mitiyegec 133:1

Negenggec, ngicngac daramuna ngeneng negen negengngina kpeturanggema ruaegoc kecandae, imocngo wiac songea yombong.

Ruka 2:25

Naso imohai ngic mong Yerusarennu kefec, kpara Simeong. Ye ngic dindingac amma Anutu eweheimima Tiri Asugoc kefec. Amma ye Israengic yenearu memeseri fingerudeac tomai anec.

Yohane 14:18

Nga wangunuba beging isoc mi kecgecde, kpac. Ni ngenearu habade.

Yohane 14:27

Ni faingunu kembade nga ruaena faiduae, imocngo ngenearu fekefude. Bangectoa bangecac ngicngac yeneng ruae yemmeandae, ruaena imoc ifi isoc kpac. Imocac ngeni kengec mi ambisia amma ubaebic mi mebisia.

Yohane 17:13

Anu neac feac feacngo yenearu sokodarudeac amma yoac sasawa yomoc bangec yomohaingoc dekperagima yaguc gearu habade.

Aposoro 2:46

Nga ngicngac wenacsoc Anutuac womonnu uba mocgu amma kpedzucnekecgec, yeni uba urecfu amaya amaya yaka nekecma yakangina imoc ubangerecgoc mederema emenec angkecgec.

Aposoro 4:32

Yesu negensinggegec, habu imoc yeni uba mocgu amma wiac feyemmeec, imocac neac geac mi dema urecngina mekecgec.

Roma 5:5

Ifi kecmina ubaninaac kuha naric mi maude. Nocac Tiri Asugoc anni Anutungo songoya ubahereninau kpakeec fede.

Roma 8:26

Ifi kecmina Asungo kucmamaninaac amma hama meficnunuu ifi me ifi numuni ngereeude, imoc mi negentegecandimbeac amma yeng agennina tima yoara kpac hereudumengau numuu Anutuaru engande.

1 Korinti 12:13

Asu mocgungo kpeturannunuma doku nadzicnemmeu sebi mocgu aning. Nenang yuda ngicngac me grik ngicngac me wanac areng me witicnina kpac kecdimbe, nenang sasawa Asu mocgungoc mema doku isoc nedaring.

1 Korinti 15:31

Kebunina Yesu Kristoac amma tosofocna ngeneac amma wenacsoc homeanduae, fora.

1 Korinti 3:16

Ngeni yofi negembisia, ngeni Anutuac womong nga Anutuac Asungo ngeneac here manau kecde.

2 Korinti 2:14

Anu Kristogoc kpeketahema kecni Anutungo nasosoc yeac firanggac arennu hesicnunuude. Hesicnunuu guruamasoc kenni Yesuac siducngo homung kerengagoc amma imocngo uaninau fingecma kengkefude.

Garata 4:6

Ngeni nambaracfora andae, imocac amma Anutungo Medahaac Asu sueu hereninau kecma yofi kiackecde, “Manggac, neac Manna.”

Garata 5:22

Asuac fora imocngo heresongogoc hoangemema kekec nga ubangerec amma ruae nga modzotitia kpac amma faka yumea nga faka gombunga amma negen negensinggoc kekec,

Efeso 4:4

Forakebanga imoc mocgu nga Asu ye mocgu, ifi isocngoc Anutungo kpacngunuu wiac gombunga siriha mocgu fingecngemmeudeac negensima kecdae.

Firipi 1:8

Anutungo hepucna kecde. Yesuac wosoefacfu heirima ngenigoc kecbadeac ubasongona fede, imoc fora deduae.

Firipi 3:3

Anutuac Asungo faka nenearu meu Anutuac ua mekecdimbe, nenannoc sebi tosa herec herecgea areng andimbe. Neni Yesu Kristoac negenni engena ande amma negen negensinnina nenannu mong mi fainide.

Kolosai 2:2

Ni kpebung ngeneac ubaherengina demeseri ambadeac uatoa mekecduae. Ifi amba ngeni ubango hoangemema hafoangoc negen negeng seria megecde. Imocngo finactoa isoc fengemmeu Anutuac yoac sufu sufuya negentegecyombonggegecde. Amma yeac yoac sufu sufuya imoc Kristonoc.

Kolosai 3:12

Anutungo heresongogoc hoangngunuma meisingngunuu yeac kpataning areng kecdaeac ngeni ubaherenginango ngicngac yeneac ubamangang negemma wosoefac ayemmebisia. Amma memaemema yumea kecma ngicngac ogofocngina yeneac modzongina mi tibeso. Ngeni faka imoc sasawa wamba isoc heigec kemeu mekecbisia.

Hebiraio 6:18

Ye ifi dema yoac seria yohockang meficgenemmeec. Yoac yohockang ifi feecac yoara ikoc naric mi anude. Fakaya ifia negenni imocngo ebiriangoc meserinunuu bangecac wiac naric wama wiac ngade menideac deec, imoc seria mekecnide.

1 Petoro 1:2

Anutu Manggacngo bic negenu feecac yeng meisingngunuma yofi desiec, Tiri Asungo ngenearu ua meu yadiseri amma kpetiac anggecde. Ifi amma ngeni yeac enac tofohogec Yesu Kristoac sacngo kpegiu nadzicngemmeec kecdae. Yeac danggunuc nga ruaengo ngenearu sahema febeso.

1 Yohane 3:24

Ngic mong ye singyoac yomoc modarude, yeng Anutuac hereu kefu Anutungo yeac hereu kefude. Amma yeng hereninau kecde, imoc Anutungo Asuya nemmeec, yeac kucfu negendimbe.

1 Yohane 4:12

Ngic mongngo Anutu mi henec. Nga nenang heresongogoc hoangemekecdimbeu Anutungo nenang hereu kefu yeac heresongogoc kekecngo nenannu hafoangoc bic fingectegerec.

1 Yohane 4:16

Nga Anutungo heresongogoc hoannunukecde, imoc negentegecma negensinggedimbe. Anutu ye heresongogoc kekecac hania nga ngic mong ye ngicngac ogofora heresongogoc hoangyunukecde, yeng Anutuac hereu kefu Anutungo yeac hereu kefude.