Aposoro 5:41 - Yoak kekehagocac Dzadzahac gboria nga Mitiyegec

⁴¹ Sueyunugec, yeni naric Yesu kparaac amma gamekpekpe ayemmegec, imocac ubangerecfu tutumannunac mama kenggec.

Deduamiti

⁴¹ Sueyunugec, yeni naric Yesu kparaac amma gamekpekpe ayemmegec, imocac ubangerecfu tutumannunac mama kenggec.

Aposoro 5:41 ပူးပေါင်းရင်းမြစ်များ

Ruka 6:22

Nga ngicngac yeneng Ngicac Medacac amma ngeni ubango ukungunuma demanganengunuma ngadeau faingunuma kpac mangana kpacngunugecde, imoc ngeni kenecnginagoc.

Yohane 15:21

Yeni suenuec, ye mi negemmidae. Imocac yeni neac kpacnaac amma ngeni ifi angemmedacgecde.

Aposoro 21:13

yeng yofi deec, “Ngeni homac kiacma wosoumeme mi anenggec. Ni Yerusarennu witicfu embade, imocsac kpahac. Ni ifingoc Kebu Yesuac momoc homebadeacnoc efaiduae.”

Aposoro 5:21

Ifi edeyunuu negemma ama werec wereckenggac womonnu emma ngicngac edekpou ayemmegec. Naso imohai womong garengtoango arengforagoc yudangic yeneac tutumangtoa, imocac memba nga israe ngicngac yeneac enaratoa kpacyunuu hadacma kpeturanggegec. Kpeturanggema aposoro meyunu hagecdeac witicamau yoac faigec kenec.

Roma 5:3

Amma imocsac kpac, nenang ifingoc kpendzeng witiau kecma imocac negenni engena anu sogaikecdimbe. Kpendzeng kpekpe, imocngo herenina meseriude.

2 Korinti 12:10

Anu ni ubahodung negemma ebicfu nga kucmama kecba defagoc anemma nukporac anengandae, ifi anenggec Kristoac amma sogaianduae. Ni kucmamagoc kecma imohainoc kucnagoc anduae.

Firipi 1:29

Ngeni Kristo meficgegecdeac areng yofi ngemme ngemmea fede: Ngeni ye negensinggema ifingoc yeac amma kpendzeng kpegecde.

Hebiraio 10:34

Ngeni witicngic yenigoc ngenahafoc kpendzeng kpegec nga ngic yeneng goa ngenearunac witicamau faiyunugec nga ngaba yeneng goa ngenearunac hamangec faka angemmema hiedzongina megec. Ifi anggec ngeni ine sogaima yofi negenggec, hiedzonina feengkefude imocngo bangectoa bangecac hiedzo ferahedacde.

Hebiraio 12:2

Kemma kicnina Yesuaru fikecbisina. Yeng negen negensinnina hafoangoc mengerema kefude nga yennoc ua imocac hania. Ye sogac sogai ngade haude, imoc negensima mariponggac kpendzennu emma game kpekpe bageau kekec, imoc tofohoma wiac efea negenec. Ifi amma Anutuac tatacac foiau emma yaguc tacdenoc.

Yakobo 1:2

Negen negensinggoc tosofocna, faitobang nga ebic hania hania fingecngemmeu imoc sasawa wiac sogac sogaigoc, ngeni ifi negembisia.

3 Yohane 1:7

Yeni Yesuac kpacac amma ua mekenggec, imohai bangec monnunac ngicngac yenearunac memefic mong mi megec.