1 Yohane 3:3 - Yoak kekehagocac Dzadzahac gboria nga Mitiyegec

³ Ngicngac Yesugoc kpeketahema wiac gombunga fingerudeac negensinggema kecdae, yeni sasawango kekecngina dzuacemema ye kpetiac, ifi isoc kpetiac anggecde.

Deduamiti

³ Ngicngac Yesugoc kpeketahema wiac gombunga fingerudeac negensinggema kecdae, yeni sasawango kekecngina dzuacemema ye kpetiac, ifi isoc kpetiac anggecde.

1 Yohane 3:3 ပူးပေါင်းရင်းမြစ်များ

Mataio 5:48

Imocac amma ngeni yofi ambisia, kurumeng Mangngina ye dindingac kecde nga ngeni ifingoc ye isoc dindingac kecbisia.”

Ruka 6:36

Mangnginango ngicngac wosoefac ayemmekecde, ngeneng ifi isocngoc wosoefac ayemmebisia.”

Yohane 17:19

Yeni yoac forau kecma kpetiac kecgecdeac neng yeneac amma kpetiac kekecfu kecduae.

Aposoro 15:9

Nenang negensinggeing, ifi isoc yeni negensinggegec Anutungo ubangina dzuarec.

Roma 15:12

Nga Yesaiango torokpema yofi dede, “Isaiac godeaarunac sera mongngo fingecma bangec monnunac ngicngac, yeneac ngictaungina amma garengyunuu yeneng ye negensinggema kecgecde.” (Yesaia 11:10)

2 Korinti 7:1

Songo tosofocna, Anutungo botucninau kefudeac deseriec, imocac nenang wiac sasawa ongaasunina nga ubasebinina heidzadzu kpekecde, imoc dzuacmengere amma kongaha ambisina. Amma Anutu eweheiheigoc hoanggekecma kpetiac kekec kecnideac ua hanaheing, imoc mesidacma yadiseri ambisina.

Kolosai 1:5

Ye wiac kurumennu faiu tomaingina fede imoc ngade megecdeac negensinggema kecdae. Nga kurumenggac siduc gombunggac yoac fora

2 Tesaronike 2:16

Kebunina Yesu Kristo yengenaoc nga Anutu Mannina yeri yoac nga uangina imoc sasawaac manau negen negengngina midima herengina meseribesera. Yerennoc heresongogoc hoannunuma wosoefacngiraac amma ubaherenina nasosoc meserinemmekecdape. Yeri ifi anec nenang kecma wiac gombunga mebesandimbe, ifi negensikecdimbe.

Tito 3:7

Kpakenemmema wosoefahaac amma dindingac denemmeu kecdimbe. Amma maridzominnina kekec wisic wisickea kpac, imoc menideac negensima tomai kecdimbe.

Hebiraio 12:14

Ngeni kpetiac kekec mi kecgecdeu Kebu naric mi henggecde, imocac ngeni ngicngac sasawa yenigoc ruae nga kpetiac kecgecdeac uatoa mebisia.

Hebiraio 6:18

Ye ifi dema yoac seria yohockang meficgenemmeec. Yoac yohockang ifi feecac yoara ikoc naric mi anude. Fakaya ifia negenni imocngo ebiriangoc meserinunuu bangecac wiac naric wama wiac ngade menideac deec, imoc seria mekecnide.

Hebiraio 7:26

Anu womong garengtoa yennoc naric meficnunuude. Ye kpetiac nga kopocsiha kpac, kongaha amma wononga kpac. Anutungo ye ngic kopocsicmeme yeneac botucfunac meickeu ye kurumeng sasawa fekende, imoc feracyunuma wi kecde.

Yakobo 4:8

Anu ngeni Anutuac hoannu kenggec yeng ifingoc ngeneac wegenac haude. Manganameme ngic, ngeni maringina dzuacgec nga ngicngac ubayohocgoc kecdae, ngeni ubaherengina dzuacmengere anggec kpetiac anu.

1 Petoro 1:15

Anutungo kpacngunuec, ye kpetiac nga ngeni ifi isoc faka nga angammemengina hafoangoc kpetiac ambeso.

1 Petoro 1:3

Nenang Kebunina Yesu Kristo, yeac Anutu Manggac kenehebisina. Yeng wosoefactoa kpenemmema Yesu homecfunac megboriec. Sing imohai nenang kekec meficgenemmeu fingec fingec gboria fingering. Ifi fingecma yeac wiac kekehagoc fingecnemmebesande, imoc negensinggema kecdimbe.

2 Petoro 1:4

Bangecac songo imocngo faka dzonggo dzonggoya meficgeude. Nga ngeni Anutuac kekecfu torokpema bangecac songo imoc wagecdeac Anutungo Kristoac kuc nga kibikperagia manau yoac dedzege engena angemmeec.

2 Petoro 3:14

Songo tosofocna, ngeni imocac tomai kecma Anutuaru hama yegoc ruaeu uba mocgu kecgecdeac ngeni kpetiac nga kongaha kekecac tembuc tembuc ngombongemema kembisia.

1 Yohane 2:6

Nga mong ye Anutugoc kecduae deande, yeng Yesungo kefec, ifi isoc kecbeso.

1 Yohane 4:17

Ifi kecmina heresongogoc kekecngo nenannu hafoangoc feude. Feu desidesi nasou nenang negengyohoha kpac serima nannide. Nga nenang bangectoa bangec yomohai Yesuac onga isoc kecdimbe.