Yuda 1:9 - Deduamiti

⁹ Nga Mikae ye angero yeneac enara mong kecde, yeng mangana minginagoc Moseac farenggac amma ewema yoacngira engemmama anec. Anu ye kengec amma mangana mingina emmima desusuic ammima ebicfu faibesonga yoac mong mi deec, kpac. Ye yofisac deec, “Kebungo geac yoac desibeso.”

Yoak kekehagocac Dzadzahac gboria nga Mitiyegec

⁹ Nga Mikae ye angero yeneac enara mong kecde, yeng mangana minginagoc Moseac farenggac amma ewema yoacngira engemmama anec. Anu ye kengec amma mangana mingina emmima desusuic ammima ebicfu faibesonga yoac mong mi deec, kpac. Ye yofisac deec, “Kebungo geac yoac desibeso.”

Yuda 1:9 ပူးပေါင်းရင်းမြစ်များ

Makekeng 22:28

Ge Anutu mi emmibesena amma ngicngacfocgaac enara kecde ye mi soweckebesena.

Danicel 10:13

Anu Paras eucererenggac ngickuneng ye wenac uameme twentiwan neac sing hedzickema nanec. Nanu ngickuneng yenearunac enaratoa mong kpara Mikacel ye meficnuudeac hau ni Parasac ngictau yegoc wayunudua.

Danicel 10:21

Nga ni warac warac foraac kibiu yoac oho ohoya fede edeguba. Mongngo mong mi meficnuu ngeneac ngickuneng Mikacel, yengsac meficnuma nigoc nanu yerigoc ewema kecdipe.

Danicel 12:1

Anu ngickunengtoa Mikacel, ye geac bangecarenggac kunengngina amma kasongina amma nangkecde, yeng naso imohai yacma nanude. Anu medacfocngina yenigoc nammanu ebictoaac naso mong warac ngicngac hanac hanaheaunac bangecfu fingeceregec kecma naso imohai ebictoa ifia mong mi fingerec, ebictoa mong ifiangonoc fingecbesande. Anu naso imohai geac ngicngacarennunac ngicngac kibi kpoukpouyau kpacngina oho ohoya fede yeni sasawa onggongyunudacgec komoc kpegecde.

Dzekarya 3:2

Nammanu Kebuac angerongo Satang yofi edeec, “Satang, Kebungo demeting anggembeso. Ye Yerusalaim meisinggeecac amma Yehosuacac yoac menannec ye geac yoac imoc wama metinggubeso dede. Yehosuac ye gerecac nenea ammanu gerecfunac memea.”

Mareko 15:29

Anu ngic ihai kengha anggec, yeni Yesu deendema ammima orucngina kpatitickema degec, “Ngeni ngic imoc henggec, yeng womong hembarackema wenac harebecac manau monggoc meudeac deec.

1 Tesaronike 4:16

Kebungo imohai yoac kuhagoc demanu angero yeneac enarangina mong yeac ubaudumeng fingerude. Imohaingoc Anutuac trampet arohoude. Arohomanu Kebu yengenaoc kurumennunac sawau maude. Mau ngicngac Kristogoc kpeketahema homegec, yeneng waraima gborima yacgecde.

1 Petoro 3:9

Ngicngac yeni mangana angemmegec ngeni turunga manganangoc mi merengyemmebisia nga yeni desofoc angemmegec ngeni turunga desofocngoc mi ayemmebisia, kpac. Ngeni eucererenggac kenec imoc megecdeac kpacngunungunuya, imocac yeni ifingoc kenecyoac edeyunubisia.

2 Petoro 2:11

Anu angero kucngina monggoc yeni sifu Kebuac kicfu asu imoc mi demanganeyunugec.

Yohaneac kpefing 12:7

Anu kurumennu dzikactoa fingerec. Imoc yofi, Mikae nga angerofora yeneng sekactoagoc ewegec sekac nga angerofora yeni turunga merenggec