Yuda 1:8 - Deduamiti

⁸ Amma gaukpefing sicsauc deandae, yeni imoc negemmaguc sebingina sifu memanganegec wonongagoc angande. Yeni kuc engena hania hania, imoc ubango wama asu engena kecdacdae, yeni eyemmema desusuic angande.

Yoak kekehagocac Dzadzahac gboria nga Mitiyegec

⁸ Amma gaukpefing sicsauc deandae, yeni imoc negemmaguc sebingina sifu memanganegec wonongagoc angande. Yeni kuc engena hania hania, imoc ubango wama asu engena kecdacdae, yeni eyemmema desusuic angande.

Yuda 1:8 ပူးပေါင်းရင်းမြစ်များ

Fingec fingec 3:5

Ye ine yofi negende, ngeri ic imocac gbomea neecdeu kicngira tegeru ye isoc amma wiac gombunga nga mangana imocac hania negentegerecde.”

Makekeng 22:28

Ge Anutu mi emmibesena amma ngicngacfocgaac enara kecde ye mi soweckebesena.

Bangec kisiu 16:3

Modacyunugec yeni kpedzucnema Mose nga Aharon yerearu kemma yofi edeyurugec, “Neni ngereac fakangiraac modzonina tide! Ngichabu hafoangoc yeni kpetiac, yeni sasawango kpetiac kecdae anu Kebungo botucnginau kecde. Ngeri ine nocac ngeranggac negenec engena anu Kebuac kpebungfora yeneac negenec mamea ande?”

Ruka 11:25

Ifi dema kemma ama imoc wangge memengere angana henude.

Ruka 12:11

Ngic yeneng mengunuma kpekpeturang amau nga yoacgarenggac enara nga ngickuneng, yeneac kicfu faingunugecde, ngeni naso imohai negengyohoc amma yofi mi debisia, ‘Neni turunga dafi merennide nga noc yoac denide?’

Ruka 19:14

Nga ngic yeac ama mocgufora, yeneng ine ye ubango ukugec. Ifi anu ye kenu ngic goa yofi dema edeyunuma sueyunugec kenggec, ‘Yeng neneac ngictau kefudeac songo mi negendimbe.’

Aposoro 23:5

Ifi degec Paurongo yofi deec, “Tosofocna, ye womonggarengtoa kecde, imoc mi negemma yoac singau mi dedua. Mitikibiu yofi oho ohoya fede, ‘Ge enaramemengina mi soweckebesena.’ ” (Mke 22:28)

Aposoro 7:27

“Ifi deu ngic ogea kpeecngo Mose kpefahama yofi deec, ‘Mongngo mi nereac desidesingic me gareng faiguec.

Aposoro 7:39

“Kisicfocnina yeni yengena wama yoara membaickema Aigita bangecfu dzigenegecdeac ubangina suema

1 Korinti 3:17

Nga ngic mongngo Anutuac womong memanganeudeu Anutungo ye ifingoc memanganeude. Anutuac womong imoc kpetiac nga womong imoc ngeninoc.

1 Tesaronike 4:8

Imocac amma yofi ande, ngenearunac mongngo yoac yomoc kpema ngadeheude, ye ngic yoac mi ngadehede, ye ine Anutu kpetiac Asu ngemmeec, yengena yoac kpeude.

1 Timoteo 1:10

Amma yeni kaisero nga ngicngo ngicfu seroua meandae. Yeni ngicngac hamangec meyunuandae amma wanacngicngac bummeyunuma monggoc sueyunuandae. Amma yeni ine Anutuac kicfu yoac deserima ikocyoac dema ngicngac botucnginau ikocyoac deandae. Nga negen negeng dindingac kpoungemmeing, imoc ngicngac goa kpeandae. Dedeseriyoac imoc ngicngac ifia yeneac negemma faifaia fede.

Hebiraio 13:17

Ngeni enarafocngina yeneac ewengina heima yoacngina tofohobisia. Imoc yofiac, yeni ubagbori kecma ngeneac ubaongangina garenggema kecma yenang uanginaac yoacsiduc degecdeac nasoya faifaia fede. Nga yeneac ua imoc ubangerecgoc ambeso. Yeni ubaebicfu ua imoc mebau debac ni ngeneac negemba memefihagoc naric mi ambac.

1 Petoro 2:17

Amma ngeni ngicngac sasawa ewengina heima negen negensinggoc tosofocngina heresongogoc hoangyunubisia nga Anutuac damungunubeso amma ngictau eweheimibisia.