Yuda 1:17 - Deduamiti

¹⁷ Songo tosofocna, Kebunina Yesu Kristoac aposoro yeneng wiac fingerudeac warac degec, ngeni imoc negenggec febeso.

Yoak kekehagocac Dzadzahac gboria nga Mitiyegec

¹⁷ Songo tosofocna, Kebunina Yesu Kristoac aposoro yeneng wiac fingerudeac warac degec, ngeni imoc negenggec febeso.

Yuda 1:17 ပူးပေါင်းရင်းမြစ်များ

Malecaki 4:4

Ni enactofoc tofohongicna Mose nonoyoac nga singyoac Horew tikiu miai Isracel ngicngac sasawa ngeni imoc negensima modacdacbisia.

Aposoro 20:35

Uana sasawa mekefai, imohai yofi kpoungemmeai: Ngeni makpekpea meficyunugecdeac ua kucgoc mebisia. Kebu Yesungo yoac yofi deec, ‘Ge ubangerecfu ogoga wiac mong minade, imocac ubangerec buma kuneng gearu fingerude. Nga ubangerecfu ogogango wiac mong genude, imocac ubangerec buma gearu efea fingerude.’ yoac imoc mi nigecngunubeso.”

Efeso 2:20

Ngeni Anutuac ama mengunungunuya. Aposoro nga profete neneng serengunudimbe amma Yesu Kristo yengenaoc hocwotung seria ande.

Efeso 4:11

Amma yennoc ua yofi denemmeec, goa aposoro nga goa profete amma goa siduc gombung dedekperagi areng nga goa kpebung yeneac gareng amma goa miti kpoukpou, ifi denemmeec.

Hebiraio 2:3

Anu Kebungo monggoc memengerecac sing mong kuha engena yombong edenunuec. Yeng imoc hanaheu yoara negenggec yeneng imocac hepuc amma edenunugec. Anu Anutu yengenaoc yoara meserima negensinggegecdeac kucfaka nga faka kiwa morora mema songoya modacma Tiri Asuac wosoefacac kuc nemmekefec. Ye ifi anecac nenang memengerecac sing kpenideu turungaac naric mi woranide.

2 Petoro 3:2

Profete kpetiac, yeneng wiac fingecbesandeac yoac imoc bic ohogec. Amma Kebu memengerecninango singyoac aposorofora yemmeu yeneng ngenearu hama imoc edengunugec, imoc negenggec fedeac monggoc heigboringemmeduae.

1 Yohane 4:6

Nenang Anutuarunac, imocac ngicngac Anutu negemmidae, yeneng nenang yoac negenggecde. Amma mong Anutuarunac kpac, yeng ine nenang yoac mi negenude. Imohainoc nenang yoac foraac Asu nga asu ikoha hentegecnide.

Yuda 1:3

Songo tosofocna, Anutungo nenahafoc komoc kpenideac mengerenunuec, imocac yoac kibiu ohongemmebadeac efaiyombonggeai. Nga yoac imoc wama ngic goa botucnginau sufu sufuu bic eregec kecdaengoc, yeneac amma yoac mong ohobeso negenduae. Imoc yofi, ngeni sing dafi Anutu negensinggegecdeac yeng warac nenang kpetiac areng nemmedarec, imocac dzikac seriangoc kpebisia amma ngeni imoc mi wagecdeac gorongina kpeduae. Ngic imoc yeneac negemma warac mitikibiu yofi oho ohoya fede, “Anutungo fakangina isinggema desiu kopocsicac turunga fingecyemmeude.” Yeneng bangecac faka hoanggema Anutuninaac danggunuc nga wosoefac faka mereng kpereng dema sebinginaac negensongo amma manganaac kpae mong mi heiandae. Nga yeni Kuctoa mingina nga Kebunina Yesu Kristoac negenggec mamea anu busic kpeandae.