Yohaneac kpefing 9:21 - Deduamiti

²¹ Nga ngicngac yeni ubangina mi dzigeneu yunukpebuc, dzinac nga mosoc faka amma kaiserofaka nga hamangecmeme, faka imoc sasawa hoanggema mekecma mong mi wagec.

Yoak kekehagocac Dzadzahac gboria nga Mitiyegec

²¹ Nga ngicngac yeni ubangina mi dzigeneu yunukpebuc, dzinac nga mosoc faka amma kaisero faka nga hamangecmeme, faka imoc sasawa mekecma mong mi wagec.

Yohaneac kpefing 9:21 ပူးပေါင်းရင်းမြစ်များ

Danicel 11:33

Amma ngicarennunac ngic negen negen irec ireckeagoc yeneng ngicngac homac negen negentegec yemmegecde. Ammanu naso dedea haude imohai goa sifu dzikacac beangngo nga gerecngo yunuhomegecde amma witicyunuma wangecyunu kenggecde nga ngabafocngina yeneng wiacngina sasawa mema kenggecde.

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Mataio 15:19

Ubahereunac wiac yofia ereande, negen negeng magana nga ewekpekpe amma kaiserofaka nga eweeneng mewa amma hamangec faka nga ikoc yoacfu faifaiyunu amma desureyoac.

2 Korinti 12:21

Nga haba ngicngac homac ngenearunac kopocsic meficgema faka wonongagoc nga serofaka mekecma sicsauc kekec mong mi wagec, imoc hemma kiac ubamangang amba Anutungo ngeneac kicfu memanubacac kengecnude.

Garata 5:20

Nemuac eweheihei kekec nga dzinac faka amma ngabagoc tohoeme kekec, ngeni yoacngina ngabasiric angandae nga kichodung nga herebu amma tusucnene faka, gurunegicgoc tohoeme kekec amma mitiareng ikoha hania hania.

Yohaneac kpefing 13:13

Ayemmeu wasaiyang baiha yohockang, yeng yoara negensinggegecdeac fakatoa meu gerec kurumennunac ngicngac yeneac kicfu bangecfu maec.

Yohaneac kpefing 13:15

Megec yeng wasaipusiac ongea ongaasu miudeac kuc meec. Meu ongango ifingoc yoac dede negenec. Nga ngicngac sasawa onga mi numumigec, yeni kpebucyunuudeac kuc metarec.

Yohaneac kpefing 13:7

Ayemmeu yeng ngicngac kpetiac yenearu dzikac kpema firang anudeac migec. Migec yeng ngicngac fakaga fakangina nga sebi siric hania hania amma yoacna yoacga nga bangeha bangeha garengyunuudeac uayoac nga kuc migec.

Yohaneac kpefing 14:8

Ifi deu angero mongngo ye modacma yofi deec, “Makpedacnoc, Babilon taongtoa imoc bic makpedac. Yennoc ngaba nga kaiserofakayaac waindoku seria ngicngac sasawa gumecyunuu nedacgec.”

Yohaneac kpefing 16:6

Nga yeneng areng ifia amma ngicngac kpetiac nga profete yeneac sac kpakegec. Imocac amma geng sac negecdeac gumecyununa negecdeac ngereede.”

Yohaneac kpefing 17:2

Bangecac ngictau yeneng yegoc serofaka anggec nga yeac serofakaac waingdokungo ngicngac bangecfu kecdae, yeneac ubangina mesufuec.”

Yohaneac kpefing 17:4

Ngac ye wamba giweng giweng nga kpauc kpauc nga gol nga hoc gombunga amma kubu buma kuneng heima kperagiagoc tarec. Nga ye kpakenec mong golngo memea, imohai kaiserofakaya wonongagoc wake wakea mariau metarec.

Yohaneac kpefing 17:5

Amma yeac mesuyau kpac mong negensufuya oho ohoya feec. Kpac imoc Babilon taongtoa, ye bangecac singtoangac amma faka mangana yombong yeneac nonggongina ande.

Yohaneac kpefing 19:2

Imoc yofiac, ye ngicngac yoacngina isinggema fora nga dindingac desiude. Amma yeng singtoangac kuneng serofakayango bangec memanganeec, yeac faka isinggema wanacarengfora yeneac sacnginaac turunga yearunac meec.”

Yohaneac kpefing 21:8

Anu ngic karoha nga negen negensingngina kpac amma fakangina mangana wonongagoc nga ngickpekpe amma serongic nga mosocfaka angandae amma nemu numuyemmeandae nga ikocngic sasawa, yeni ine kondung gerec nga sarafa dzema kecde, imohai torokpegecde. Yomocngo homec kpetea yohockang anude.”

Yohaneac kpefing 22:15

Anu ngicngac kasi isoc kecdae nga mosocfaka mekecdae nga seroareng amma ngickpekpefaka mekecdae nga nemu numuyemmeandae amma sasawango ikocfakaac songo negemma ikoc angandae, yeneng ine ngadeau kecgecde.

Yohaneac kpefing 9:20

Anu ngicngac tosea kpendzeng 6 yomocngo mi yunuhomeec, yeneng ine ubangina mi dzigenegec. Amma yeni asu mangana nga nemuonga gol silwa kopa nga hoc amma icngo memea numuyemmegecdeac faka mi wagec nga nemuonga maringinango memea, imoc mi ngadehegec. Nemuonga ifia yeneng wiac mong mi henggecde nga kedzacnginango mong mi negenggecde amma haningnginango naric mi tikenggecde.