Yohaneac kpefing 6:12 - Deduamiti

¹² Anu ye kendokereha wisic wisickeaac bageau mekpacgeu henai. Hemba usoctoa meu wenackiwa dzadzu kpeec. Imoc ubahodunggac ngakpi isoc, ifia nga afo hafoangoc sac isoc anec.

Yoak kekehagocac Dzadzahac gboria nga Mitiyegec

¹² Anu ye kendokereha wisic wisickeaac bageau mekpacgeu henai. Hemba usoctoa meu wenackiwa dzadzu kpeec. Imoc ubahodunggac ngakpi isoc, ifia nga afo hafoangoc sac isoc anec.

Yohaneac kpefing 6:12 ပူးပေါင်းရင်းမြစ်များ

Yoele 2:10

Naso imohai bangecngo kpemindzaheude nga kurumenga kurumenga yeneng dzonong fedefede anggec ammanu wenac nga afo yereac kperagingirango kundung kpeu nga asomeng yeneng monggoc mi kperagigecde.

Yoele 3:15

Naso imohai wenac nga afo yeri kundung kpeecde nga asomeng yeneng monggoc mi kperagigecde.

Amosi 1:1

Kebungo Tekoa taonggac ramagareng yenearunac mong kpara Amosi ye kpefinnu Isracelac yoac edeec. Naso imohai Udziango Yehuda yeneac ngictau kefec nga Yehoasiac medac Yeroboamngo Isracel yeneac ngictau kefec, anu kifa yohockang wisickeu usoctoa meec.

Amosi 8:9

Kebu Kpembibiagocngo yofi dede, “Naso imohaingoc, Ni deba wenac dzongiau wenackiwango kundung kpeude, nga wenacdzongiau amango kundung kpeude.

Dzekarya 14:5

Tikitoana uranggema kemeude imocac tumiatoaya kengkecma Adzara bangecfu wisickebesande. Ngeni yehudangictau Udziaac nasou usoctoa meu woragec ifi isoc ihai worabesandae. Woragec Kebu Anutuna ye kpetiac arengforagoc hasikebesandae.

Mataio 11:21

“Koradzing nga Besaida ngicngac, ngeni sowecnginagoc. Ngenearu kucfaka homac bic fingerec, kucfaka ifia Tiro nga Sidong taonnu fingecbac dede ngicngac yeni kopocsicnginaac amma ubamanganggac wamba bic heima hama nadzicma ubamereng ambau.

Mataio 24:29

Anu kpendzengtoa nasoya wisickeuguc wenackiwa kundung kpeu afokperagia mi fingerude. Asomeng yeni kurumennunac fotockema magec kurumenga kurumenga yeneac kuc sasawa kpemindzahebesandae. (Yes 13:10; 34:4)

Mataio 24:7

Bangec goa yeneng bangec ogofocngina yenigoc ewekpekpe anggecde. Nga ngictau monggac arengngo ngictau monggac areng yenigoc ngaba angemegecde. Nga boditoa bangec goau fingerude nga goau usoctoa mebesande.

Mataio 27:45

Anu wenac dzongiau 12 kiroc ammanu imohai ama kundung kpema kundungngo bangec sokoma fekemmanu 3 kiroc marai anec.

Mataio 27:54

Nga wasaigareng nga ngicfora Yesuac gareng nanggec, yeni usoc nga wiac fingerec, imoc hemma damuyunuu wareckema degec, “Foracngoc, ngic yomoc ye Anutuac medacnoc.”

Mataio 28:2

Kemmaec Kebuac angero mongngo kurumennunac mau usoctoa kucbiricngoc meu yeng kicsereac hoc kpedidinggeu kenu witiau emma tarec.

Mareko 15:33

Wenac dzongiau 12 kiroc ammanu imohai ama kundung kpema kundungngo bangec sokoma fekemmanu 3 kiroc marai anec.

Yohaneac kpefing 11:13

Enec naso imohaingoc usoctoa meu taongyada tegia 10 imohacnac noboha mocgu (1/10) barackeec. Usocyada meec, imocac manaunac ngicngac kpetengina 7 tauseng yeni homegec. Homegec ngicngac tosea yeni kengec amma Anutu kurumennu kecde, ye afehegec.

Yohaneac kpefing 16:18

Ifi deu piratac nga udumeng amma gbururung fingeru, usoctoa meec. Nga ngicngac bangecfu keceregec, imohai usoc kunengtoa nga engenayombong ifia mong mi meec.

Yohaneac kpefing 16:8

Anu angero 4ngo sokoha wenacac witiau kpakeu imoc ngicngac gerehango yonohoudeac kuc meec.

Yohaneac kpefing 8:12

Nga angero mongngo trampeha fifiec. Fifiu wenac nga afo amma asomeng yeneac kperagiaac kuc imohacnac harebecac noboha mocgu (⅓) kundung kpeudeac meickeec. Meickeu hadzing tofocnac yereac kperagiaac kuc imohacnac harebecac noboha mocgu (⅓) mi fingerec.

Yohaneac kpefing 8:5

Enu angero ye sokohango arataunac gerec fiu wakeu bangecfu ukuec. Ukuu gbumparandang nga udumengtoa amma piratac homac fingeru usoc meec.